सहकार भारतीच्या साखर कारखाना प्रकोष्ठ प्रमुखपदी भाऊसाहेब आव्हाळे
पुणे: अहिल्यानगर जिल्ह्यातील पारनेर येथील कृषीनाथ ग्रीन एनर्जी साखर कारखान्याचे संचालक भाऊसाहेब आव्हाळे यांची सहकार भारतीच्या पुणे जिल्हा साखर कारखाना प्रकोष्ठ प्रमुखपदी निवड झाली आहे. ही महत्त्वाची निवड नुकत्याच आळंदी येथे झालेल्या दोन दिवसीय अभ्यास वर्गादरम्यान करण्यात आली.
सहकार भारतीचे पुणे विभाग प्रमुख गिरीश भवाळकर यांनी या अभ्यास वर्गावेळी पुणे जिल्ह्याची नवीन कार्यकारिणी घोषित केली. या कार्यकारिणीत भाऊसाहेब आव्हाळे यांना पुणे जिल्ह्याच्या साखर कारखाना प्रकोष्ठ प्रमुखपदाची जबाबदारी सोपवण्यात आली आहे.
भाऊसाहेब आव्हाळे यांचा साखर उद्योगातील अनुभव आणि कृषीनाथ ग्रीन एनर्जी साखर कारखान्यातील त्यांचे संचालक पद, या नवीन भूमिकेसाठी त्यांना योग्य ठरवते. सहकार भारती ही संस्था सहकार क्षेत्राच्या विकासासाठी कार्यरत आहे.
