सहकार क्षेत्रासाठी ई-कॉमर्स ॲप

नवी दिल्ली : पंतप्रधान नरेंद्र मोदी यांनी सहकारी संस्थांसाठी शनिवारी ई-कॉमर्स अॅप लाँच केले आहे. Google क्लाउड आणि नॅशनल कोऑपरेटिव्ह युनियन ऑफ इंडिया (NCUI) यांनी अॅपसाठी भागीदारी केली आहे, ज्याचा उद्देश सहकारी संस्थांच्या आर्थिक सक्षमीकरणासाठी वापरण्यास सुलभ तंत्रज्ञान प्रदान करणे हा आहे.

नवी दिल्ली येथे 17 व्या इंडियन कोऑपरेटिव्ह काँग्रेस (ICC) मध्ये अॅप लाँच करण्यात आले. 1-2 जुलै रोजी प्रगती मैदान येथील आंतरराष्ट्रीय प्रदर्शन-कम-कन्व्हेन्शन सेंटर (IECC) येथे आयोजित केले जाणारे ICC हे भारतीय सहकारी चळवळीचे सर्वोच्च व्यासपीठ आहे.

हा कार्यक्रम आंतरराष्ट्रीय सहकार दिनाच्या अनुषंगाने आहे. NCUI ही भारतातील सहकारी चळवळीची सर्वोच्च संस्था आहे आणि भारतातील 8.5 लाखांहून अधिक सहकारी संस्थांच्या शिक्षण आणि प्रशिक्षणाची जबाबदारी तिच्यावर आहे. त्यांची सदस्य संख्या 30 कोटींहून अधिक आहे.

“NCUI आपल्या वापरकर्त्यांसाठी हे ई-कॉमर्स ऍप्लिकेशन होस्ट करण्यासाठी Google Cloud सारख्या स्केलेबल प्लॅटफॉर्मच्या शोधात होते. ई-कॉमर्स प्लॅटफॉर्म Google Cloud वर तयार करण्यात आले होते,” असे अधिकृत निवेदनात म्हटले आहे.

ईकॉमर्स अॅप सहकारी संस्थांना कशी मदत करेल
हे अॅप सहकारी संस्थांना त्यांची उत्पादने कोणत्याही मध्यस्थाशिवाय सर्व भौगोलिक भागात विकण्यास मदत करेल. हे व्यासपीठ पोर्टलवर ऑनबोर्डिंगसाठी आणि पॅकेजिंग, ब्रँडिंग आणि सरकारच्या कल्याणकारी योजनांचा लाभ घेण्यासाठी सहकारी संस्थांना प्रशिक्षण आणि क्षमतावृद्धीसाठी देखील मदत करेल.

“मजबूत आणि स्केलेबल (व्यापकता वाढवण्यायोग्य) तंत्रज्ञानावर या ई-कॉमर्स ऍप्लिकेशनच्या लाँचमुळे सहकारी संस्था आणि त्यांच्या सदस्यांना त्यांची उत्पादने देशभरातील खरेदीदारांना सहजपणे विक्री करता येतील. आम्ही सकारात्मक आहोत की Google Cloud सह आमची भागीदारी आम्हाला आमच्या डिजिटल परिवर्तनाच्या प्रवासात सक्षम करेल आणि सहकारी संस्थांना आर्थिकदृष्ट्या सक्षम करेल,” असे NCUI चे मुख्य कार्यकारी डॉ. सुधीर महाजन म्हणाले.

ई-कॉमर्स अॅप सहकारी क्षेत्राला मोठे देशव्यापी व्यासपीठदेखील देईल आणि त्यांना त्यांची उत्पादने तसेच सेवा मोठ्या समूहाला विकण्यास सक्षम करेल.

“NCUI एक क्लाउड पार्टनर शोधत होते जो स्केलेबिलिटी, ओपन-सोर्स टेक्नॉलॉजी आणि त्यांचे ऑपरेशन्स वाढवण्यासाठी सहयोगी दृष्टिकोन देऊ शकेल. आमचा ठाम विश्वास आहे की आमची भागीदारी NCUI ला शक्तिशाली तंत्रज्ञान समाधान प्रदान करेल, ज्यामुळे सहकारी संस्था आणि त्यांचे सदस्य दोघांच्याही आर्थिक वाढ आणि सक्षमीकरणात मदत होईल,” Google क्लाउड इंडियाचे व्यवस्थापकीय संचालक बिक्रम सिंग बेदी म्हणाले.
NCUI ने सांगितले की वापरकर्त्यांची संख्या आणि त्यांच्या मागण्या कालांतराने वाढण्याची शक्यता असल्याने, Google क्लाउड सोबत काम करून त्याचा स्केलेबल, ओपन सोर्स आणि ओपन स्टँडर्ड क्लाउड प्लॅटफॉर्मचा लाभ घेण्यासाठी निवडले.