4500 दर देण्याची हरियाणातील शेतकऱ्यांची मागणी

चंडीगड : उसाला सध्याच्या रू. ३७२० वरून रू. ४५०० इतका दर प्रतिटन देण्यात यावा, अशी मागणी हरियाणातील शेतकऱ्यांनी केली असून, त्यासाठी राज्य सरकारवर दबाव आणला आहे. हरियाणामध्ये एसएपी (SAP) द्वारे उसाचे दर ठरतात. सध्या प्रति क्विंटल ३७२ दर (प्रति टन ३७२०) आहे.

SAP ची घोषणा करण्यास यावेही उशीर झाल्यानेने शेतकरी चिंतेत आहेत, राज्यातील शेतकरी संघटना भरघोस वाढीची मागणी करत आहेत, एसएपी ₹450 प्रति क्विंटल करावी यासाठी ऊस उत्पादक आग्रही आहेत.
नोव्हेंबरच्या पहिल्या आठवड्यात उसाचा गाळप हंगाम सुरू होत आहे, तरीदेखील राज्य सरकारने 2023-24 गळीत हंगामासाठी उसाच्या ‘स्टेट ॲडव्हायझरी प्राईस’बाबत (एसएपी) अद्याप कोणताही निर्णय घेतलेला नाही.

भारतीय किसान युनियन (बीकेयू टिकैत) च्या बॅनरखाली शेतकऱ्यांच्या एका गटाने शुक्रवारी पंचकुलामध्ये निदर्शने केली आणि उसाच्या एसएपीमध्ये वाढ करण्याची मागणी करणारे निवेदन कृषी संचालकांना दिले.

हरियाणा बीकेयूचे अध्यक्ष रतन मान म्हणाले, “आम्ही एसएपी ₹450 प्रति क्विंटलपर्यंत वाढवण्याची मागणी आम्ही केली आहे आणि कृषी संचालकांनी आम्हाला आश्वासन दिले आहे की ते मुख्यमंत्र्यांकडे हा मुद्दा मांडतील.

बीकेयू (चारुणी) ने देखील ऑक्टोबर महिन्याच्या सुरुवातीला जिल्हा मुख्यालयात निदर्शने करत तशाच प्रकारच्या मागण्या केल्या आहेत. “आम्ही हा मुद्दा आधीच सरकारसमोर मांडला होता आणि आता आणखी एका शेतकरी संघटनेने हीच मागणी केली आहे. परंतु यावर्षी सरकारला SAP ₹ 450 प्रति क्विंटल निश्चित करावे लागेल,” BKU (चारुणी) चे प्रवक्ते राकेश बैंस म्हणाले.

वाढत्या निविष्ठा खर्च हे वाढीव SAP मागणीचे मूळ कारण आहे. एसएपी जाहीर करण्यास उशीर झाल्यामुळे शेतकऱ्यांमध्ये चिंता वाढली आहे, ज्यांचे म्हणणे आहे की गळीत हंगामाच्या अगोदरच किंमतीचा निर्णय घेणे आवश्यक आहे.

हे लक्षात घेण्यासारखे आहे की गेल्या वर्षी राज्यात उसाच्या एसएपी वाढीसाठी शेतकऱ्यांनी निदर्शने केली होती. तसेच ऊस पुरवठा कमी केला, परिणामी गाळप सुमारे एक आठवडा स्थगित करावे लागले होते. हरियाणा सरकार आणि BKU (चारुणी) यांच्यातील आठवडाभर चाललेल्या चर्चेअंती 26 जानेवारी रोजी सरकारने SAP ₹372 वर निश्चित करून प्रति क्विंटल ₹10 ची वाढ जाहीर केली होती.