इथेनॉल उत्पादनासाठी अनुदानित तांदळाचा वापर नाही: अन्न सचिव
नवी दिल्ली : इथेनॉल उत्पादनासाठी अनुदानित तांदळाची विक्री पुन्हा सुरू करण्याचा कोणताही प्रस्ताव नाही, असे केंद्रीय अन्न-धान्य सचिव संजीव चोप्रा यांनी स्पष्ट केले आहे.
चोप्रा यांनी पत्रकारांना सांगितले की, “इथेनॉलच्या उत्पादनासाठी धान्य-आधारित डिस्टिलरींना अनुदानित तांदूळ विक्री पुन्हा सुरू करण्याचा सरकारकडे कोणताही प्रस्ताव नाही. गेल्या वर्षी जुलैपासून तांदूळ इथेनॉल उत्पादनासाठी वळवण्यात आलेला नाही. या धोरणावर पुनर्विचार करण्याचा सध्या कोणताही प्रस्ताव नाही.”
2024-25 च्या हंगामात (ऑक्टोबर-सप्टेंबर) साखर उत्पादनात घट होण्याची शक्यता असल्याच्या वृत्तांदरम्यान नजीकच्या भविष्यात इथेनॉलसाठी अनुदानित तांदळाची विक्री पुन्हा सुरू करण्याची सरकारची योजना आहे का, असा प्रश्न त्यांना विचारण्यात आला होता.
देशांतर्गत उत्पादन आणि उच्च किरकोळ किमती आणि आर्थिक अव्यवहार्यता यासह विविध कारणांमुळे इथेनॉल निर्मात्यांसाठी तांदूळ विक्री बंद करण्यात आली होती, असे ते म्हणाले.
धान्य-आधारित डिस्टिलरीजवर उद्योजकांनी मोठ्या प्रमाणावर गुंतवणूक केली आहे, याकडे लक्ष वेधले असता, चोप्रा म्हणाले, केंद्र सरकारने स्वीकारलेले धोरण काळ्या दगडावरची पांढरी रेष नाही. सरकार याबाबत लवचिक आहे. त्याचा आढावा घेतला जाऊ शकतो… इथेनॉल उत्पादनासाठी मक्याला प्रोत्साहन दिले जात आहे.” सध्या मक्यापासून बनवलेल्या इथेनॉलमध्ये मोठी झेप आहे. 2024-25 पुरवठा वर्षात मक्यापासून बनवलेल्या इथेनॉलचा सुमारे 50 कोटी लिटर पुरवठा करण्यात आला आहे, असेही ते म्हणाले.
ज्या उद्योगांनी धान्यावर आधारित डिस्टिलरीज उभारल्या आहेत त्यांनी इथेनॉल उत्पादनासाठी मक्याचा वापर करावा, अशी सूचनाही त्यांनी केली.
पुढील हंगामात साखरेच्या उत्पादनात घट होण्याची शक्यता असताना सचिव म्हणाले, “सरकार जागरूक आणि काळजीत आहे.” तथापि, सध्या, पुढील हंगामासाठी कोणत्याही प्रकारच्या साखर उत्पादनाचे आकडे सांगणे खूप घाईचे आहे. “आम्ही 2024-25 हंगामासाठी ऑगस्टमध्ये उत्पादनाबद्दल जाणून घेऊ.”
“महाराष्ट्र आणि कर्नाटकातील जलसाठ्याची पातळी मागील वर्षांच्या तुलनेत थोडी कमी असल्याचे वृत्त आहे. या हंगामात आमच्याकडे साखरेचा बंद साठा जास्त आहे याची खात्री करण्यासाठी आम्ही सावध आहोत.” कोणत्याही परिस्थितीत, हा साठा केवळ देशांतर्गत वापरासाठीच नाही तर इथेनॉल उत्पादनासाठी वळवता येईल, असेही ते म्हणाले.
