२.६७ अब्ज लि. इथेनॉल पुरवठ्याची निविदा निघाली, पण अटीसह

नवी दिल्ली : तेल विपणन कंपन्यांनी (OMCs) 2023-24 पुरवठा वर्षात 2.67 अब्ज लिटर इथेनॉलच्या पुरवठ्यासाठी दुसरी निविदा काढली आहे. मात्र या वेळी सी-हेवी मोलॅसेस, मका आणि खराब झालेले अन्नधान्य यापासून तयार होणाऱ्या इथेनॉल पुरवठ्यासाठीच निविदा मागवण्यात आल्या आहेत.

याचा अर्थ बी-हेवी मोलॅसेस आणि उसाच्या रसापासून तयार होणाऱ्या इथेनॉलला (दोन्ही प्रक्रिया ज्यामध्ये वास्तविक साखरेचे सर्वाधिक प्रमाण वळवले जाते) प्रोत्साहन दिलेले नाही. इथेनॉल पुरवठा वर्ष सामान्यतः नोव्हेंबर ते डिसेंबर पर्यंत चालते.

2023-24 मध्ये इथेनॉल पुरवठ्यासाठीच्या पहिल्या निविदेत, जे ऑक्टोबर 2023 मध्ये काढण्यात आले होते, OMC ने 15 टक्के मिश्रणाचे उद्दिष्ट पूर्ण करण्यासाठी सर्व स्त्रोतांकडून 8.25 अब्ज लिटर इथेनॉलच्या पुरवठ्यासाठी बोली मागवली होती.

उसाचा रस, शुगर सिरप/बी हेवी मोलॅसेस/सी हेवी मोलॅसेस/खराब झालेले अन्नधान्य/मका/अतिरिक्त तांदूळ या सर्व फीडस्टॉकमधून उत्पादित इथेनॉलसाठी OMCs ने बोली मागवली. यावर्षी साखरेचे उत्पादन कमी होण्याची अपेक्षा आहे ज्यामुळे सरकारने पुरवठा वाढवण्यासाठी सर्व मार्गांचा वापर करण्यास उद्योगाला प्रवृत्त केले आहे.

साखर उत्पादनाच्या अंदाजांच्या आघाडीवर गेल्या काही आठवड्यांमध्ये सुधारणा दिसून येत आहे. आधी 29 दशलक्ष टन उत्पादनाचा अंदाज होता, आता उद्योगाला वाटते की, 31 दशलक्ष टन उत्पादन होऊ शकेल.

आकडेवारी दर्शविते की, ऑक्टोबर 2023 मध्ये OMC ने काढलेल्या पहिल्या निविदेला , 5.6 अब्ज लिटर इथेनॉलचा पुरवठा करण्याचे एकंदरित प्रस्ताव आले. जे एकूण टेंडरच्या सुमारे 64 टक्के होते. सूत्रांनी सांगितले की, उसावर आधारित मोलॅसेसमधून 2.67 अब्ज लिटरचे प्रस्ताव आले होते, तर उर्वरित अन्य धान्यापासूनचे प्रस्ताव आले.

2022-23 मध्ये OMCs ला पुरवलेल्या एकूण इथेनॉलमध्ये सी हेवी मोलॅसेसेपासून बनलेल्या इथेनॉलचे प्रमाण अवघे 0.06 अब्ज लिटर होते. इथेनॉल भारतातील अनेक स्त्रोतांमधून तयार केले जाते. ते मुख्यत्वे ऊस किंवा धान्य-आधारित मोलॅसेस आणि अन्य फीडस्टॉकचा वापर करून बनवले जाते.

उसामध्ये, एक तर उसाचा रस किंवा शुगर सिरप, तसेच बी-हेवी मोलॅसेस आणि सी-हेवी मोलॅसेसपासून बनवले जाते..