राज्यातील उत्पादन १०० लाख टनांच्या जवळ
हंगामाचा शेवट पुढील आठवड्यात अपेक्षित
पुणे : राज्यातील ऊसगाळप हंगाम अंतिम टप्प्यात पोहोचला असून, आतापर्यंत १० कोटी ४३ लाख मेट्रिक टन ऊस गाळप पूर्ण झाले आहे. यामधून ९८.८४ लाख मेट्रिक टन साखरेचे उत्पादन झाले आहे. हंगामाच्या सुरुवातीला अपेक्षित असलेला १०५ लाख टनांचा आकडा गाठणे कठीण असल्याचे साखर आयुक्तालयाने स्पष्ट केले आहे.
हंगामाची सद्यस्थिती
- यंदा २०८ साखर कारखान्यांनी ऊसगाळप हंगाम सुरू केला होता.
- ऊस संपल्यामुळे १७६ कारखान्यांची धुराडी बंद झाली आहेत.
- अजूनही ३२ कारखाने सुरू असून, पुढील आठवड्यात हंगाम संपेल अशी अपेक्षा आहे.
विभागनिहाय स्थिती
- पश्चिम महाराष्ट्रातील कोल्हापूर, सांगली, सोलापूरमधील सर्व ७१ कारखाने बंद झाले आहेत.
- पुणे व सातारा जिल्ह्यातील २६ कारखाने बंद झाले असून, ६ कारखाने अजूनही सुरू आहेत.
- मराठवाड्यातील काही कारखान्यांचे हंगाम सुरू आहेत, मात्र तेही पुढील आठवड्यात संपण्याची शक्यता आहे.
अडचणी
- उन्हाळ्यामुळे ऊसतोडणीस विलंब होत आहे.
- ऊसतोड कामगार गावाकडे परतण्याची तयारी करत असल्याने कामकाजावर परिणाम होत आहे
