शेतीमध्ये AI चा वापर करण्यासाठी सरकार शेतकऱ्यांच्या पाठीशी : पवार

बारामती : “शेतीमध्ये कृत्रिम बुद्धिमत्ता (AI) आणि आधुनिक तंत्रज्ञानाचा वापर करण्यासाठी राज्य सरकार शेतकऱ्यांना सर्वतोपरी सहकार्य करेल. या तंत्रज्ञानामुळे शेती उत्पादनात दुपटीने वाढ होऊ शकते, हे बारामतीतील प्रयोगातून सिद्ध झाले आहे,” असे आश्वासन उपमुख्यमंत्री अजित पवार यांनी दिले. बारामती येथील ॲग्रीकल्चरल डेव्हलपमेंट ट्रस्ट संचलित कृषी विज्ञान केंद्रात आयोजित ‘कृषिक २०२६’ या प्रदर्शनाचे उद्घाटन झाले. या प्रसंगी आयोजित पत्रकार परिषदेत ते बोलत होते. प्रदर्शनाचे अधिकृत उद्घाटन महात्मा फुले कृषी विद्यापीठाचे कुलगुरू डॉ. विलास खर्चे यांच्या हस्ते पार पडले.

उत्पादनात दुपटीने वाढ शक्य
उपमुख्यमंत्री पवार म्हणाले की, कृषी विज्ञान केंद्रातील ‘लाईव्ह उसाच्या प्लॉट’मध्ये नवीन तंत्रज्ञानाचा वापर करण्यात आला असून, यामुळे उत्पादनात मोठी वाढ झाल्याचे दिसून आले आहे. तंत्रज्ञानाची जोड मिळाल्यास शेतकऱ्यांचे उत्पन्न वाढण्यास मदत होईल, असा विश्वास त्यांनी व्यक्त केला.
सध्या जग बदलत चालले आहे, शेतीचे तंत्रज्ञान बदलत चालले आहे, या पार्श्वभूमीवर शेतीमध्ये एआय या तंत्रज्ञानाचा प्रभावी वापर कसा करता येईल. याबाबत शेतकऱ्यांना या प्रदर्शनाच्या माध्यमातून मार्गदर्शन केले जात आहे. हे तंत्रज्ञान सध्या शेतकऱ्यांसाठी महाग असले तरी शासनाकडून, अनुदानाच्या स्वरूपात मदत केली जात आहे. या कृषी प्रदर्शनाच्या माध्यमातून शेतकऱ्यांनी सखोल माहिती घेऊन हे तंत्रज्ञान आपल्या शेतीमध्ये वापरून भरघोस उत्पन्न वाढवावे, असे आवाहन उपमुख्यमंत्री पवार यांनी केले.

तंत्रज्ञानाच्या वापराने उत्पन्न वाढवावे

हैं त्यावेळी परिस्थिती वेगळी होती. त्यानंतर उपमुख्यमंत्री पवार म्हणाले की, दहा वर्षापूर्वी बारामती कृषी विज्ञान केंद्रात कृषी प्रदर्शन ल सुरुवात करण्यात आली, कृषी क्षेत्रात वेगवेगळे संशोधन झाले, त्यामुळे कृषी तंत्रज्ञानात अमुलाग्र बदल झाले. या अत्याधुनिक तंत्रज्ञानाच्या माध्यमातून शेतकऱ्यांना शेती उत्पादनामध्ये वाढ होण्यासाठी या कृषी प्रदर्शनाचा नक्कीच फायदा होत असल्याचे दिसून येत आहे. या ठिकाणी अत्याधुनिक वापर उकरून उसासह सर्वच पिके तसेच फळबागांचे उत्पादन वाढण्यासाठी यशस्वी करण्यात आलेले प्रयोग शेतकऱ्यांना दिली. 

मान्यवरांची उपस्थिती
या उद्घाटन सोहळ्याला ज्येष्ठ नेते शरद पवार, कृषिमंत्री दत्तात्रय भरणे, माजी मंत्री हर्षवर्धन पाटील, खासदार सुप्रिया सुळे, खासदार डॉ. अमोल कोल्हे, जयंत पाटील, शशिकांत शिंदे, आमदार रोहित पवार, ट्रस्टचे चेअरमन राजेंद्र पवार, नाबार्डच्या मुख्य महाव्यवस्थापक डॉ. रश्मी दराड, नगराध्यक्ष सचिन सातव यांसह अनेक मान्यवर उपस्थित होते.
‘कृषिक २०२६’ चे आकर्षण
हे प्रदर्शन शेतकऱ्यांसाठी आधुनिक तंत्रज्ञानाची पर्वणी ठरत असून, यामध्ये ‘एआय’ (AI) आणि इतर प्रगत अवजारांचे प्रात्यक्षिक दाखवण्यात येत आहे. भविष्यातील डिजिटल शेतीची दिशा ठरवणाऱ्या या प्रदर्शनाला शेतकऱ्यांनी मोठा प्रतिसाद दिला आहे