रडू नको मुला !

चिमणी येईल |
चिवचिव करील||
दाणा पाणी घेईल |
खेळविल तुला ||१||

वारा येईल |
गाणे गाईल||
नाचून घेईल |
खेळविल तुला ||२||

झाड बोले|
सावली देईल ||
ताप हरील|
खेळविल तुला ||३||

फुल बोलले |
गंध देईल तुला ||
रंग देईल तुला |
खेळविल तुला ||४||

मग बोले सृष्टी |
काढी त्याची दृष्टी ||
नको होऊ कष्टी |
खेळविल तुला ||५||

ढग दाटतील |
पाऊस पडेल ||
नद्या वाहतील|
खेळविल तुला ||६||

आकाश डोले|
चंद्र तारे आले||
जग चंदेरी बोले |
खेळविल तुला ||७||

मी आहे तुजला |
घास भरायला ||
रडू नको मुला |
खेळविल तुला ||८||

आहेर वाळू रघुनाथ (नाशिक)