घायाळ मी हरिणी…

कुठल्या देशी तु कसा गेला|
गेला  दुरदेशी तुम्ही तिथे
ना निरोप ना पत्र मजला ||
ठेस लागली  मनाला इथे ||१||

जाताना दिली असेल हाळी|
टाकला तुम्ही’तिथे उसासा ||
तेव्हा कुठे होती तुझी बाळी|
मला न तो कळला जरासा||२||

जिथे तिथे तुझाच गजर|
घराचा ना घेतला  निरोप||
माझ्या अश्रूंचा इथे कहर|
  माझा नाही कसला आरोप||३||

बसले मनात मांडे खात|
येता सय  उमाळे साथीला||
गेला कुठे तु सोडून हात|
अश्रू करिती हैराण मला||४||

सय येता जीव वेडावतो|
जीव घायाळ या हरिणीचा||
कसा शेव ओलाचिंब होतो|
ठाव कसा घेऊ मी मनाचा||५||

मन  शोधून राहिले तुला|
मी कसं  समजावू तयाला||
कुठल्या देशी तु  कसा गेला|
परतुनी ये  भेटण्या मला||६||

• वाळू रघुनाथ आहेर, नाशिक