दुष्काळ निवारण

पावसाने दडी मारली।
नदी नाले धरणे आटली ॥
शेतकऱ्यांची पिकं करपती ।
मजूरांचे लोंढे काम मागती॥

प्यायच्या पाण्याचा तुटवडा झाला ।
म्हणती दुष्काळ आला आला ॥
ढोल बडवा डांगोरा पिटवा ।
पाणीटंचाईचे प्रस्ताव पाठवा॥

टंचाई निवारणाच्या बैठका घ्या ।
आली संधी फायदा घ्या ॥
मंजूर करा टँकर गळके।
पाणीवाटपाला वापरा बोळके ॥

सुरू करा रोजगार हमी।
त्यात आर्धे आम्ही अर्धे तुम्ही ॥
फुटातली मापं लिहा मिटराची ।
फिर्यादी द्या विहीर चोरीची ॥

धरणात पाणी आडवा पैसे जिरवा ।
सुकडी वाटपात करा डावा-उजवा ॥
लाभार्थी शोषा जनावरांच्या छावण्यात ।
जीआर सुप्रमा काढा येत्या पावसाळ्यात॥

घरी बसून दौ-यांचे बिले काढा ।
राजाला म्हणू नका नागडा॥
सोंगा ढोंगाचा बाजार इथला ।
रस्सा भुरकती कढईतला॥

तेव्हा पाणी पोहचे रातोरात ।
अशी होई दुष्काळावर मात ॥

रचनाकार:
वा.र. आहेर , नासिक

बी.ई.एमआयई.बीओई
९९५८७८२९८२