ओंकार साखर कारखाना 2800 रू. पहिला हप्ता देणार : बाबुराव बोत्रे
सोलापूर : ओंकार साखर कारखाना चांदापुरी युनिट एक 2024 व 2025 या सिझन मध्ये येणाऱ्या ऊसास पहिला हप्ता एक रक्कमी 2800/- रुपये प्रतिटन देणार असुन उर्वरीत बैल पोळ्यासाठी रु.100/- व दिपावली सणासाठी रु.100 /- देणार असुन फेब्रुवारी मध्ये येणाऱ्या ऊसास प्रति टन 100 रूपये अनुदान देणार असुन तसेच दिपावली निमित्त ऊसाच्या प्रमाणात शेतकऱ्यांना मोफत साखर देणार असल्याची माहिती ओंकार साखर कारखान्याचे चेअरमन बाबुराव बोत्रे पाटील यांनी दिली.
ओंकार साखर कारखाना चांदापुरी, (ता. माळशिरस)चे चेअरमन बाबुराव बोत्रे पाटील, संचालिका रेखाताई बोत्रे पाटील, संचालक प्रशांत बोत्रे पाटील यांच्या मार्गदर्शनाखाली कारखान्याने ऊसउत्पादक शेतकऱ्यांच्या ऊसास समाधानकारक दर दिला असुन कारखान्याने प्रतिदिन गाळप क्षमतेत वाढ केली असुन उप पदार्थ प्रकल्प कार्यान्वित होणार आहेत. शेतकऱ्यांनी आपला ऊस ओंकार साखर कारखान्याला घालावा असे आवाहन बोञे पाटील यांनी केले. या वेळी जनरल मॅनेजर भिमराव वाघमोङे, केन मॅनेजर शरद देवकर उपस्थित होते.
आपली कोणाशीच ऊस दरा बाबत स्पर्धा नसुन जे जे शेतकऱ्यांना व कर्मचारीवर्गांना वाहतुकदारांना देणे शक्य आहे ते देण्याचा प्रयत्न ओंकार परिवाराचा राहिल, असे बोत्रे पाटील म्हणाले.
