शेतकऱ्यांच्या खात्यात ३.३८ कोटी जमा : यशराज देसाई

सातारा : लोकनेते बाळासाहेब देसाई सहकारी साखर कारखान्याने सन 2023-24 चा गळीत हंगामातील ऊसाच्या एफ.आर.पी.पोटी अंतिम हप्ता रु. 151/- प्र. मे. टन प्रमाणे होणारी रक्कम रु.3.38 कोटी संबंधित ऊस उत्पादक शेतकऱ्यांच्या बँक खात्यात १८ सप्टेंबर रोजी जमा केली असल्याची माहिती कारखान्याचे चेअरमन यशराज देसाई दिली.

त्यांनी प्रसिद्धीस दिलेल्या पत्रकात म्हटले आहे की, लोकनेते बाळासाहेब देसाई सहकारी साखर कारखान्याने सन 2023-24 चे गळीत हंगामामध्ये 2 लाख 24 हजसा 413 मे. टन ऊस गाळप करुन सरासरी 11.98 टक्के साखर उताऱ्याने 2 लाख 68 हजार 775 क्विंटल साखरेचे उत्पादन केले. कारखान्याची सन 2023-24 चे गळीत हंगामामध्ये एफ.आर.पी.पोटी रु.2650/- प्र.मे.टन प्रमाणे यापूर्वीच रु. 59.46 कोटी रक्कम शेतकऱ्यांना अदा केली आहे. तसेच उर्वरित अंतिम एफ.आर.पी.पोटी रक्कम रु. 151/- प्र.मे.टन प्रमाणे रु.3.38 कोटी संबंधित शेतकऱ्यांच्या बँक खात्यात 18 सप्टेंबर 2024 रोजी जमा केली असून कारखान्याने सन 2023-24 च्या गळीत हंगामामध्ये गळीतास आलेल्या ऊसाला एफ.आर.पी.प्रमाणे होणारी 100 टक्के ऊस बिलाची रक्कम ऊस पुरवठादार सभासद व शेतकरी यांचे खाती वर्ग केली आहेत.

लोकनेते बाळासाहेब देसाई सहकारी साखर कारखान्याचे मार्गदर्शक व महाराष्ट्र राज्याचे राज्य उत्पादन शुल्कमंत्री तसेच सातारा आणि ठाणे जिल्हाचे पालकमंत्री शंभूराज देसाई यांच्या मार्गदर्शनाखाली कारखाना व्यवस्थापनाने आर्थिक नियोजन करुन सन 2024-25 च्या गळीत हंगामाची तयारी सध्या सुरु केली असून ऊस तोडणी वाहतूकीचे कराराचे काम पूर्ण झालेले आहे. तसेच कारखान्याचे आधुनिकीकरणासह विस्तारीकरणाचे काम पूर्ण झाले असून कारखान्यातील ‘बिगर हंगाम दुरुस्ती-देखभाल कामकाज’ प्रगतीपथावर आहे, अशी माहितीही चेअरमन देसाई यांनी दिली आहे.

कारखाना कार्यक्षेत्रातील सर्व ऊस उत्पादक सभासद शेतकरी यांनी आपला सर्व ऊस लोकनेते बाळासाहेब देसाई सहकारी साखर कारखान्यास नोंद करुन सन 2024-25 चा गळीत हंगाम यशस्वी करण्यासाठी सर्वांनी सहकार्य करावे असे आवाहनही चेअरमन यशराज देसाई यांनी केले आहे.