पर्जन्याचा सोहळा

दक्षिणोत्तर वीज जाई चमकत|
पश्चिमेकडून तुफानी वाहे वात||
झाली यंदाच्या पावसाची सुरूवात|
काळ्या मेघांनी केली गर्दी आकाशात ||१||

सोसाट्याचा वारा ऐकेना अजिबात|
टप टप थेंबं पडे जोर जोरात||
घाबरलेले पक्षी आले घरट्यात|
पुर लोटला नदी नाले तलावात ||२||

बालबालिका नाचतात पावसात|
येरे येरे पावसा म्हणती सुरात||
धुतले डोंगर  पडत्या पावसात  |
सचैल स्नानाने लाजे धरा मनात ||३||

इंद्रधनूचा गोफ आभाळात खुले|
बळीराजाचं स्वप्न नभात फुले ||
मोर नाचती, करिती केकारव|
पावसा बरोबर जणू गुंजारव ||४||

ओला चा-याने बैल स्फुरले शेतात|
शेतकरी लेझीम खेळती जोरात||
मशागतीचे आडाखे बांधी मनात  |
विचार पक्का कृषीवलाचे डोक्यात||५||

बियाण्याचा मसला सुटला घरात|
बळीनं  चौक बसवले देवळात||
जगाचा पोशिंदा  निघालाय शेतात|
पावसाने केली  बघा ही करामत||६||

आहेर वाळू रघुनाथ, नाशिक