सरस्वती कारखान्यात पुराचे पाणी, २.२० लाख क्विंटल साखर भिजली

नवी दिल्ली: हरियाणामध्ये (Haryana) झालेल्या मुसळधार पावसामुळे यमुनानगर येथील सरस्वती साखर कारखान्यामध्ये (Saraswati sugar mill) पुराचे पाणी घुसले. या पुरामुळे कारखान्यातील साखरेचे अंदाजे ५० ते ६० कोटी रुपयांचे मोठे नुकसान (Rs 50-60 crore loss) झाले आहे. अधिकाऱ्यांच्या मते, सुमारे ४० टक्के साखरेचे नुकसान  झाले असावे.

महाव्यवस्थापक राजीव मिश्रा (Rajiv Mishra) यांनी सांगितले की, गेल्या रात्री झालेल्या अतिवृष्टीमुळे आणि जवळच्या नाल्यातून आलेल्या पाण्यामुळे कारखान्याच्या गोदामात (warehouse) पाणी शिरले. कारखान्याच्या मागेच असलेला महानगरपालिकेचा नाला अतिक्रमणामुळे  अडला होता, ज्यामुळे पुराचे पाणी कारखान्यात शिरले. त्यांनी मध्यरात्रीच सुरक्षा कर्मचाऱ्यांनी  पाणी शिरल्याची माहिती दिल्याचे नमूद केले. या गोदामात २,२०,००० क्विंटल (2,20,000 quintals) साखर  साठवलेली होती, ज्याची किंमत अंदाजे ९७ कोटी रुपये होती. साखर ही अत्यंत आर्द्रताशोषक  असल्यामुळे तिला मोठ्या प्रमाणात फटका बसला आहे. मिश्रा यांनी हे सुद्धा स्पष्ट केले की, अशा प्रकारची पूरस्थिती कारखान्याने यापूर्वी कधीही अनुभवली नाही.

कारखान्यातील पाणी काढण्यासाठी (clearing water) सध्या क्रेनचा वापर केला जात आहे. राजीव मिश्रा यांनी सांगितले की, जरी कारखान्याला मोठे आर्थिक नुकसान झाले असले तरी, याचा स्थानिक बाजारांवर फारसा परिणाम होणार नाही. मात्र, दुसरीकडे तज्ज्ञांचे मत आहे की, जर वरिष्ठ अधिकाऱ्यांकडून अशा प्रकारचा निष्काळजीपणा सुरू राहिला, तर तो केवळ आर्थिक नव्हे, तर अन्नटंचाईच्या पातळीवरही मोठे आव्हान निर्माण करू शकतो. गोदामाची सविस्तर पाहणी केल्यानंतर नुकसानीचा नेमका आकडा स्पष्ट होईल, असेही मिश्रा यांनी सांगितले.