राजाराम कारखान्याच्या व्हा. चेअरमनपदी गोविंदा चौगले

कोल्हापूर : कसबा बावडा येथील राजाराम सह. साखर कारखान्याच्या व्हा. चेअरमनपदी श्री. गोविंदा चौगले यांची बिनविरोध निवड करणेत आली.
साखर सहसंचालक जी. जी. मावळे यांच्या उपस्थितीत झालेल्या संचालक मंडळाच्या बैठकीमध्ये श्री. गोविंदा दादू चौगले यांच्या बिनविरोध निवडीची घोषणा करणेत आली.

श्री. गोविंदा दादू चौगले यांचे व्हा. चेअरमन पदासाठी नांव संचालक श्री. तानाजी कृष्णात पाटील यांनी सुचविले व त्यास संचालक श्री. डॉ. विश्वास सदाशिव बिडकर यांनी अनुमोदक दिले. कारखान्याचे मार्गदर्शक, संचालक महादेवराव महाडिक यांच्या शुभहस्ते मावळते व्हा. चेअरमन श्री. नारायण बाळकृष्ण चव्हाण आणि नवनियुक्त व्हा. चेअरमन श्री. गोविंदा दादू चौगले यांचा सत्कार करण्यात आला.

श्री. गोविंदा दादू चौगले हे रा. सोन्याची शिरोली, तालुका राधानगरी गावातील आहेत. या निवडीनंतर श्री. गोविंदा दादू चौगले यांनी महाडिक यांचे आभार मानले. यावेळी कारखान्याचे चेअरमन मा.आ. अमल महाडिक तसेच सर्व संचालक मंडळ सदस्य, कार्यकारी संचालक श्री. प्रकाश ज. चिटणीस, तसेच कारखान्यातील अधिकारी उपस्थित होते.