एमडी असोसिएशनतर्फे साखर आयुक्त, संचालकांचा हृद्य सत्कार

पुण : महाराष्ट्राचे साखर आयुक्त शेखर गायकवाड आणि साखर संचालक उत्तम इंदलकर यांचा महाराष्ट्र स्टेट शुगर फॅक्टरीज मॅनेजिंग डायरेक्टर्स असो.च्या वतीने नुकताच सपत्निक हृद्य सत्कार करण्यात आला.

दोन्ही अधिकारी ३१ मे २०२३ रोजी निवृत्त होत आहेत, त्यानिमित्ताने या विशेष कार्यक्रमाचे आयोजन पुण्यात करण्यात आले होते.

यावेळी श्री. व सौ. गायकवाड, श्री. व सौ. इंदलकर, राष्ट्रीय साखर कारखाना महासंघाचे व्यवस्थापकीय संचालक प्रकाश नाईकनवरे, महाराष्ट्र राज्य साखर महासंघाचे व्यवस्थापकीय संचालक संजय खताळ, महाराष्ट्र स्टेट शुगर फॅक्टरीज मॅनेजिंग डायरेक्टर्स असो.चे अध्यक्ष राजेंद्र रणवरे, उपाध्यक्ष डॉ. यशवंत कुलकर्णी, खजिनदार भास्कर घुले, सचिव संजीव देसाई, साखर सहसंचालक संतोष पाटील, मंगेश तिटकारे आदी वरिष्ठ अधिकाऱ्यांसह, महाराष्ट्रातील सहकारी साखर कारखान्यांच्या कार्यकारी संचालकांची लक्षणीय उपस्थिती होती.

अध्यक्ष रणवरे, उपाध्यक्ष कुलकर्णी, नाईकनवरे, खताळ यांनी मनोगते व्यक्त करताना, गायकवाड आणि इंदलकर यांना मन:पूर्वक शुभेच्छा दिल्या.

आयुक्त शेखर गायकवाड यांनी सत्काराला उत्तर देताना, आपल्या खास विनोदी शैलीत जोरदार फटकेबाजी केली.
गायकवाड आणि इंदलकर दाम्पत्यांचे आगमन होताच, त्यांच्या पुष्पवृष्टी करत स्वागत करण्यात आले. राज्यातील साखर क्षेत्रातील कार्यकारी संचालकांनी सर्वोच्च अधिकाऱ्यांना निरोप देण्याची साखर उद्योग क्षेत्राच्या इतिहासातील हा पहिलाच प्रसंग असल्याने, त्याची जोरदार चर्चा रंगली.
मान्यवरांनी आपल्या भाषणात, श्री. गायकवाड यांच्या सहकार्याच्या स्वभावाचे कौतुक करताना, शांतपणे कठोर निर्णय घेण्याचे त्यांचे खास कसबही विशद केले