अवर्षण (दुष्काळ)
पडेना पाऊस,फिटेना कर्ज,
दुबार पेरणीचा वाया गेला अर्ज |
जनावरं चारा पाण्यावाचून उपाशी,
वाया गेली मुग-सोयाबीन-कपाशी |
द्या दिलासा रोजगार हमी सुरू करून,
पिक विम्याचं गाजर दाखवून |
बारा हजाराचा लॉलीपॉप देऊन,
तरीही कष्टकरी वंचित भाकरी पासून |
शिवभोजन अन आरक्षण काम येईना,
कर्ज माफीचा मलम असर करीना |
नको रेवडी अहो बांधा धरणे बंधारे,
नको दिखावा, शाश्वताची कास धरारे |
उपाशी अर्धपोटी जनावरे- माणसे,
दिसेना हो कुठं बाजरीला कणसे |
द्या मागेल त्याला काम, घामाचे दाम,
जाणून आहे जनता,कामामधे राम |
मायबाप सरकार करा एवढं काम,
नको सबसिडी अन जुलमाचा रामराम ||
रचनाकार:
वा.र. आहेर, नाशिक
(साखर उद्योग क्षेत्राटिल नामवंत सल्लागार)
9958782982
