एफआरपी रिकव्हरी : डेटा लवकर पाठवा – ‘व्हीएसआय’चे पत्र

पुणे : यंदाचा हंगाम आटोपत आल्यामुळे एफआरपी रिकव्हरी गणनेसाठी वसंतदादा शुगर इन्स्टिट्यूटने (व्हीएसआय) राज्यातील कारखान्यांना पत्र पाठवून संबंधित डेटा लवकरच भरण्याचे आवाहन केले आहे.

तांत्रिक सल्लागार व्ही. दाणी यांनी जारी केलेल्या पत्राचा तपशील असा…

प्रति,
सर्व साखर कारखान्यांचे मुख्य केमिस्ट/उत्पादन व्यवस्थापक,

विषय : एफआरपी रिकव्हरी गणनेसाठी शुगर सीआरएम सॉफ्टवेअरद्वारे डेटा सबमिशन आणि प्रमाणीकरण अहवालासाठी दस्तऐवज सादर करणे.

प्रिय महोदय,
2022-23 च्या हंगामासाठी महाराष्ट्र राज्यातील 75-80% साखर कारखान्यांमध्ये गाळप कार्य पूर्ण झाले आहे. साखर आयुक्त कार्यालयाच्या निर्देशानुसार, हे कळविण्यात येते की, ज्या सर्व साखर कारखान्यांनी आपला विविध ‘फीडस्टॉक’ विक्रीसाठी किंवा इथेनॉल उत्पादनासाठी वळवला आहे आणि हंगाम 2022-23 साठी ज्यांचे गाळप पूर्ण झाले आहे, त्यांनी त्यांचा डेटा प्रमाणीकरणासाठी आणि FRP प्रमाणपत्र जारी करण्यासाठी ‘शुगर सीआरएम’मार्फत व्हीएसआयकडे सादर करणे आवश्यक आहे.
‘फीडस्टॉक’ वळवण्याच्या प्रमाणीकरणासंदर्भात आमच्या तपासणी भेटी वेळी सादर करावयाच्या आवश्यक कागदपत्रांची यादी सर्व साखर कारखान्यांना पाठवली आहे, बहुतांश साखर कारखानदारांनी आवश्यक कागदपत्रे उपलब्ध करून दिली आहेत; मात्र काही साखर कारखाने या बाबतीत मागे आहेत.

त्यामुळे सर्व साखर कारखान्यांना या पत्राद्वारे कळवण्यात येते की, आपण इतरत्र वळवलेल्या ‘फीडस्टॉक’ची माहिती सीआरएम सॉफ्टवेअरद्वारे पडताळणीसाठी आणि एफआरपी प्रमाणपत्र जारी करण्यासाठी सर्व वैधानिक कागदपत्रांसह व्हीएसआय अधिकाऱ्यांना सादर करणे बंधनकारक आहे. .

कृपया लक्षात घ्या की कोणत्याही परिस्थितीत आवश्यक वैधानिक कागदपत्रे सादर केल्याशिवाय FRP प्रमाणपत्र जारी केले जाणार नाही.
त्यामुळे आपण सर्वांनी सहकार्य करावे ही विनंती.

धन्यवाद
(डॉ. व्ही. दाणी)
प्रमुख आणि तांत्रिक सल्लागार,
साखर तंत्रज्ञान विभाग