दोष ना कुणाचा !

नकोच कुणाची भुतदया चुकार|
नकोच कुणाचा कार्डावर आधार||
मलाच नाही कुणी, मी तर  अनाथ|
मी नाही कुणा ललनेचा प्राणनाथ||१||

आहे निरव शांतता संध्याकाळची|
आहे शक्यता मुक्कामी पोहोचण्याची||
नाही कुणी  वाटेला उभी माझी दारा|
नशीबी  दैव नाही,  कुणी ग्रह तारा||२||

नको नशीबी सृष्टीच्या  विरही कला|
नाही बघणार कदाच  दृष्ट त्याला||
जे  भुतकाळी कधी माझे झाले नाही|
मग स्वच्छंदी मी त्यांचा होणार नाही||३||

कसं सांगू ठिकाणां मी आहे कुठे|
मनसोक्त चालतो आहे आडवाटे||
मला परत बोलावणाराही असा|
आज सखा कोणी दिसत नाही कसा||४||

कष्टकरी जीवाला हा सोस नसावा|
मेहनतीचा मार्ग मोकळा असावा||
आताचे जग आहे दिल्या घेतल्याचे|
अन्न पाणी वस्त्र निवारा  विकतचे||५||

उगवत्या सूर्याला नमस्कार केला|
तर दिवस आनंदात जाई भला||
विनाशकाले येई विपरीत बुद्धी|
एवढी नसावी मति आपली रद्दी||६||

आहेर वाळू रघुनाथ, नाशिक