साखर कारखाना भावगीत
सुरू होते पहाटेची पाळी|
चार वाजता भल्या सकाळी||
भोंगा वाजवी रोज भुपाळी|
हजेरीला होई पळापळी||१||
आल्यात ऊसाच्या गाड्या बारा|
वजन करती भराभरा||
टेबलावरचे ऊसाचे भारे|
पडती गव्हाणीतच सारे||२||
गव्हाण चाले खूप निवांत|
जणू ती गोगलगाय शांत||
कटर करी ऊसाचा चुरा|
मिलकडे जाई तरातरा||३||
आता मिल फिरे हळूहळू|
मग रस निघे बुळूबुळू ||
तेव्हा भुस्सा पळे भरभर|
जेव्हा वाट पाही बॉयलर||४||
पेटून उठतो वाफेसाठी|
टर्बाईन फिरे वीजेसाठी||
मोटारीफिरती मीलसाठी|
कोणी फिरेल कां कुणासाठी||५||
वाफ होई नरम नरम|
वाफ करी रसाला गरम||
पॅन करी शिरा,नितनेम|
मशिनची साखर गरम||६||
मजूर मालक मुकादम|
सगळ्यांना मिळे दाम||
मग पडला मिलचा पट्टा|
ऊस भाव कमी हीच थट्टा||७||
रचनाकार: आहेर वाळू रघुनाथ
नाशिक (९९५८७८२९८२)
