जीवन गाणे

जीवन प्रवासात केलेले काही|
मुक्काम पुन्हा परत येत नाही ||
पानगळीत  फुले कोमजतात|
ती बहार आल्यास फुलत नाही ||१||

प्रवासात  काही लोक भेटतात|
तेथे पुन्हा परत भेटत नाही ||
आयुष्यात त्यांचा जयघोष केला|
तरी ते  जीवनात भेटत नाही ||२||

मैत्रीत संशय  हा धोक्याचा आहे|
संशयाला घरं करू देणे नाही ||
ज्यांना आठवून तळमळ होते |
रूसा,पण त्याला जाऊ देणे नाही ||३||

त्याला प्रेमाने कितीही गोंजारले|
तरी जीवनी ते परतत नाही ||
सकाळ सायंकाळ अशीच जाते|
वेळ कुणासाठीही थांबत नाही ||४||

एकदा उगवलेला दिवसरात्र|
पुन्हा आपल्या जीवनी येत नाही ||
क्षणातसंधी दूर निघून जाते |
डोळ्यांवर कायम भरोसा नाही ||५||

लोक भेटतात, प्रेम करतात|
तयाने दुरावा कमी होत नाही||
पडद्यावरचे चित्र बदलते|
त्यांवर वैचारिक मंथन नाही||६||

आहेर वाळू रघुनाथ (नाशिक)