‘कुंभी’चे संचालक पाटील यांचे हृदयविकाराने निधन
कोल्हापूर : कुंभी कासारी साखर कारखान्याचे संचालक प्रकाश कुंडलिक पाटील (वय ६०) यांचे सोमवारी दुपारी हृदयविकाराने निधन झाले. त्यांच्या पश्चात पर मुलगा, मुलगी भावंडे असा परिवार आहे.
गावातील ज्योतिर्लिंग सेवा संस्थेचे ते अध्यक्ष होते. दिवंगत दत्तात्रय पांडुरंग पाटील (मास्तर) यांचे ते पुत्र होत. गावातील विविध संस्थेच्या माध्यमातून विकास पर्व सुरू केलेले दत्ता मास्तर यांच्यानंतर त्यांनी ही धुरा ताकदीने व सर्वांना आधार देत पुढे नेली व वाढविली. सांगरुळ शिक्षण संस्थेच्या श्रीराम हायस्कूलमध्ये ते प्राध्यापक होते.
ग्रामपंचायत, ज्योतिर्लिंग सेवा संस्था, दत्तात्रय पांडुरंग पाटील दूध संस्था, भावेश्वरी महिला दूध संस्था अशा विविध संस्थामध्ये ते मार्गदर्शक होते. उत्कृष्ट संभाषण कौशल्य, सर्वसामान्यांना मदत करणारा नेता, अशी त्यांची ओळख होती. अंत्यसंस्कारास लोकांची प्रचंड गर्दी झाली होती.
