RRC इफेक्ट : चुकार कारखान्यांकडून ४६६ कोटी अदा

पुणे : साखर आयुक्तालयाने २०२४-२५ च्या चालू ऊस गाळप हंगामातील एफआरपी (FRP) थकबाकी वसूल करण्यासाठी कठोर पावले उचलली आहेत. आयुक्तालयाने एकूण २८ साखर कारखान्यांवर ‘आरआरसी’ (महसूल वसुली प्रमाणपत्र) जारी केल्यानंतर या कारखान्यांनी ४६६ कोटींची रक्कम अदा केली. मात्र तरीही त्यांच्याकडे सुमारे ८० कोटींची थकबाकी आहे.

थकबाकीदारांमध्ये सिद्धेश्वर सहकारी साखर कारखाना, जयहिंद शुगर, समद्धी शुगर हे आघाडीवर आहेत.

साखर आयुक्त सिद्धाराम सालीमठ यांनी, आरआरसी कारवाईद्वारे ५४५८८.८८ लाख (सुमारे ५४६ कोटी) रुपयांची वसुली प्रस्तावित केली आहे. मात्र, ३१ ऑगस्ट २०२५ अखेरच्या आरआरसी अहवालानुसार, यापैकी अजूनही ७९८१.०२ लाख (सुमारे ७९.८१ कोटी) रुपये एफआरपी थकबाकी देय आहे. या कारवाईमुळे चालू हंगामातील एकूण ३०४ कोटी रुपयांच्या एफआरपी थकबाकीपैकी काही भागाची वसुली अपेक्षित आहे.

आरआरसी (RRC) जारी केलेल्या प्रमुख कारखान्यांचा तपशील (३१.०८.२०२५ अखेरच्या देय बाकीनुसार):

• सोलापूर जिल्हा: सोलापूर जिल्ह्यात सर्वाधिक कारखान्यांवर आरआरसी कारवाई झाली आहे, ज्यांची एकूण प्रस्तावित आरआरसी रक्कम लक्षणीय आहे
  • मातोश्री लक्ष्मी शुगर कोजनरेशन इंड लि., अक्कलकोट: २५-०३-२०२५ रोजी ५८६.५६ लाख रुपयांची आरआरसी जारी करण्यात आली असून, ५३८.०८ लाख रुपये अजूनही देय आहेत.
  • गोकुळ शुगर्स लि., धोत्री: २८३०.२८ लाख रुपयांची आरआरसी असून, ४४२.४८ लाख रुपये बाकी आहेत .
  • जयहिंद शुगर प्रा.लि., आचेगाव: ४८२८.३१ लाख रुपयांची आरआरसी असून, ८२६.९७ लाख रुपये थकबाकी आहे.
  • सिद्धनाथ शुगर मिल्स लि., उत्तर सोलापूर: ३९०५.५२ लाख रुपयांची आरआरसी असून, १७४.४९ लाख रुपये बाकी आहेत.
  • इंद्रेश्वर शुगर मिल्स प्रा.लि., सोलापूर: २२३४.५६ लाख रुपयांची आरआरसी असून, २६०.९४ लाख रुपये थकबाकी आहे.
  • श्री. सिद्धेश्वर सहकारी साखर कारखाना लि., कुमठे: २०९१.८० लाख रुपयांची आरआरसी असून, या अहवालातील सर्वाधिक १८०२.५१ लाख रुपये थकबाकी त्यांच्याकडे आहे.
  • भीमा सहकारी साखर कारखाना लि., टाकळी सिकंदर: १२६.३७ लाख रुपयांची आरआरसी असून, ११९.०६ लाख रुपये थकबाकी आहे.
• अहमदनगर जिल्हा:
  • श्री गजानन महाराज शुगर लि., संगमनेर: १०४.०९ लाख रुपयांची आरआरसी असून, १६.०६ लाख रुपये थकबाकी आहे .
  • श्री. केदारेश्वर सहकारी साखर कारखाना लि., बोधेगाव: २५७६.०५ लाख रुपयांची आरआरसी असून, तेवढीच (२५७६.०५ लाख रुपये) थकबाकी देय आहे, जी या अहवालातील दुसऱ्या क्रमांकाची सर्वाधिक थकबाकी आहे.
• छत्रपती संभाजीनगर जिल्हा:
  • सचिन घायाळ शुगर्स प्रा.लि., पैठण: १५७५.४५ लाख रुपयांची आरआरसी असून, ३१३.२५ लाख रुपये अजूनही देय आहेत.
• जालना जिल्हा:
  • समृद्धी शुगर्स लि., घनसावंगी: १३६३.४२ लाख रुपयांची आरआरसी असून, ८५८.५२ लाख रुपये थकबाकी आहे.

आरआरसी जारी, पण थकबाकी शून्य असलेले कारखाने: काही कारखान्यांवर आरआरसी जारी करण्यात आले असले तरी, ३१ ऑगस्ट २०२५ अखेर त्यांची एफआरपी थकबाकी शून्य झाली आहे \ यामध्ये सोलापूर जिल्ह्यातील लोकमंगल ॲग्रो इंड.लि., लोकमंगल शुगर इथेनॉल अँड कोजनरेशन इंड.लि., श्री संत दामाजी सहकारी साखर कारखाना लि., धारशीव शुगर लि. यांचा समावेश आहे.

तसेच, धाराशिव जिल्ह्यातील भीमाशंकर शुगर मिल्स लि. , अहमदनगर जिल्ह्यातील स्वामी समर्थ शुगर अँड ॲग्रो इंड.लि., सातारा जिल्ह्यातील खंडाळा तालुका शेतकरी सहकारी साखर कारखाना लि., किसनवीर सातारा सहकारी साखर कारखाना लि.,

सोलापूर जिल्ह्यातील अवताडे शुगर्स लि., बीड जिल्ह्यातील जय महेश एनएसएल शुगर, अहमदनगर जिल्ह्यातील गंगामाई इंडस्ट्रीज अँन्ड कन्स्ट्रक्शन लि. , पुणे जिल्ह्यातील कर्मयोगी शंकररावजी पाटील सहकारी साखर कारखाना लि., सोलापूर जिल्ह्यातील भैरवनाथ शुगर वर्क्स लि. (दोन्ही युनिट), यवतमाळ जिल्ह्यातील डेक्कन शुगर प्रा.लि. , आणि बुलडाणा जिल्ह्यातील पैनगंगा साखर कारखाना प्रा.लि. यांनीही त्यांची देय एफआरपी पूर्णपणे अदा केली आहे. यावरून स्पष्ट होते की, आरआरसी कारवाईनंतर काही कारखान्यांनी थकबाकी पूर्णपणे भरली आहे. या अहवालातून हे स्पष्ट होते की, साखर आयुक्तालयाने एफआरपी थकबाकी वसूल करण्यासाठी कठोर पावले उचलली आहेत. एकूण २८ कारखान्यांवर आरआरसी जारी करून ५४५ कोटींहून अधिकची वसुली प्रस्तावित केली असून, यातील ७९ कोटींहून अधिक रक्कम अजूनही शेतकऱ्यांपर्यंत पोहोचणे बाकी आहे.

SugarToday ला सहकार्य करा!

साखर उद्योगाबाबत होणारा अपप्रचार थांबावा आणि या क्षेत्राचे महत्त्व सर्वत्र अधोरेखित व्हावे म्हणून ‘शुगरटुडे’ मॅगेझीन सातत्याने प्रयत्न करत आहे. अशी सकारात्मक पत्रकारिता आपल्या सहकार्याखेरीज टिकणे शक्य नाही. आम्ही वेबसाइटवर गुगल जाहिराती जाणीवपूर्वक घेत नाही. कारण त्यामुळे वाचन करण्याचा आनंद हिरावला जातो. कोणतीही वेबसाइट उघडली की नको त्या जाहिराती तुम्हाला दिसतात, कधी आक्रंदणारी मुले-महिला, तर कधी अर्धनग्न महिलांच्या जाहिराती… तर कधी अश्लील मजकुराच्या जाहिराती…. त्यातून पैसे मिळतात; पण आपण जो विषय मांडतो, त्याचे गांभीर्य संपले, शिवाय वाचकाला विनाअडथळा बातमी वा लेख वाचता येत नाहीत. अशा आर्थिक कमाईचा आम्ही त्याग केला आहे आणि आपल्या पाठिंब्याची अपेक्षा करत आहोत.

खालील क्यूआर कोड स्कॅन करून आपणास शक्य तेवढी मदत करू शकता. हा क्यूआर कोड ‘शुगरटुड’ची प्रकाशन संस्था मास मीडिया एक्स्चेंजच्या बँक खात्याचा आहे.

आपल्या सहकार्याच्या प्रतीक्षेत – संपादक

(सोबत बँक खाते क्र. देखील दिला आहे. – Mass Media Exchange (MMx) – Publisher of SugarToday. Axis Bank, Dhankawadi Branch, Pune. ac no. 922020021151467, IFSC – UTIB0001168)