केंद्र सरकारने हार्वेस्टरसाठी अनुदान द्यावे : सहकारमंत्री बाळासाहेब पाटील

पुण्यात साखर आयुक्तालयात गाळप हंगामाची आढावा बैठक त्यांनी घेतली. बैठकीनंतर पत्रकारांशी त्यांनी संवाद साधला. पाटील म्हणाले, ‘ पुढील वर्षी उसाचे क्षेत्र किती राहील, याची माहिती घेत आहोत. त्यामुळे आगामी काळात ऊस नोंदणीसाठी अॅप तयार करण्यात येणार आहे. त्याचा वापर करण्याचे आवाहन कारखान्यांना केले आहे. ई-पीक पाहणीद्वारे अनेक ठिकाणी सातबाऱ्याची नोंद होत नसल्याचे दिसून आले आहे. त्यामुळे या हंगामात ‘हार्वेस्टर’चे महत्त्व लक्षात आले आहे. पश्चिम महाराष्ट्रातील अनेक हार्वेस्टर मराठवाड्यात पाठविण्यात आले आहे. अनेक कारखान्यांना आम्ही हार्वेस्टर घेण्याच्या सूचना केल्या आहेत.’ केंद्र सरकारने हार्वेस्टरसाठी अनुदान द्यावे, अशी मागणी करणार आहोत. राज्य सरकारकडे सगळ्याच गोष्टी मागत नाही. कारखानदारीला हातभार लावावा यासाठी सरकार सकारात्मक भूमिका घेत आहे, असेही पाटील यांनी सांगितले.