महादेवराव महाडिकांचा दणदणीत विजय

कोल्हापूर : छत्रपती राजाराम कारखान्याचा पहिला निकाल हाती आला असून यात संस्था गटातून माजी आमदार महादेवराव महाडिक विजयी झाले आहेत. महाडिक यांना 129 पैकी 84 मते पडली आहेत. त्यांनी परिवर्तन पॅनेलचे सचिन पाटील यांच्यावर विजय मिळवला.

राजाराम कारखान्याच्या निवडणुकीत नऊ पैकी सहा गटांमध्ये महाडिक गटाने आघाडी घेऊन आपला विजय निश्चित केला आहे. पाच फेऱ्या पूर्ण झाल्या असताना, महाडिक गटाचे १३ जण आघाडीवर होते.

सत्ताधारी महाडिक गटाचे 21पैकी 8 उमेदवार आघाडीवर होते. तिसऱ्या फेरीअंती महाडिक गटाचे विलास यशवंत जाधव 2934, डॉ.मारुती किडगावकर 3129 आणि सर्जेराव पाटील (बोणे) 3051 मतांनी आघाडीवर आहेत. तर विरोधी पॅनलचे सतेज पाटील गटाचे बळवंत गायकवाड 2158 मते, विलास पाटील 2068 मते आणि विठ्ठल माने 2361 मते पडली.
सायंकाळपर्यंत सर्व निकाल अपेक्षित आहेत.