कल्लाप्पाण्णा आवाडे यांना जीवनगौरव; पांडुरंग, कृष्णा, श्री विघ्नहर इ. कारखान्यांनी पटकावले राष्ट्रीय पुरस्कार

पुणे : शुगर टुडे

सहकारी साखर कारखानदारीत अतुलनीय योगदान देणारे ज्येष्ठ नेते सन्मानीय कल्लाप्पाण्णा आवाडे यांना राष्ट्रीय सहकारी साखर कारखाने महासंघाचा जीवनगौरव पुरस्कार जाहीर झाला आहे. हा पुरस्कार प्रथमच सुरू करण्यात आला आहे.

देशातील साखर उद्योगात महाराष्ट्राच्या सहकारी साखर कारखान्यांनी पुन्हा एकदा आपले वर्चस्व सिद्ध केले आहे. राष्ट्रीय सहकारी साखर कारखाना महासंघाकडून जाहीर करण्यात आलेल्या राष्ट्रीय कार्यक्षमता पुरस्कारांमध्ये महाराष्ट्राने अव्वल स्थान पटकावले आहे. गाळप हंगाम २०२४-२५ आणि २०२५-२६ या दोन वर्षांसाठी घोषित झालेल्या एकूण ५७ राष्ट्रीय पुरस्कारांपैकी तब्बल २१ पुरस्कार एकट्या महाराष्ट्रातील कारखान्यांनी मिळवले आहेत.

महासंघाचे अध्यक्ष हर्षवर्धन पाटील आणि प्रकाश नाईकनवरे यांनी पत्रकार परिषदेत पुरस्कारांची घोषणा केली.

२२ सप्टेंबरला नवी दिल्लीत पुरस्कार वितरण सोहळा

सहकारी साखर उद्योगातील गुणवत्ता, कार्यक्षमता, आधुनिक तंत्रज्ञानाचा वापर, आर्थिक शिस्त आणि सामाजिक बांधिलकीला प्रोत्साहन देण्यासाठी महासंघाच्या वतीने दरवर्षी हे पुरस्कार दिले जातात. या पुरस्कारांचे वितरण २२ सप्टेंबर रोजी नवी दिल्ली येथे होणार आहे.

या सोहळ्याला केंद्रीय रस्ते वाहतूक व महामार्ग मंत्री नितीन गडकरी, केंद्रीय कृषी व शेतकरी कल्याण मंत्री शिवराजसिंह चौहान आणि केंद्रीय सहकार राज्यमंत्री मुरलीधर मोहोळ यांची प्रमुख उपस्थिती लाभणार आहे. याशिवाय विविध राज्यांतील मंत्री, साखर कारखान्यांचे संचालक, पदाधिकारी आणि वरिष्ठ अधिकारी या कार्यक्रमास उपस्थित राहतील.

हंगाम २०२५-२६ : महाराष्ट्रातील पुरस्कारविजेते कारखाने

सन २०२५-२६ च्या हंगामासाठी महाराष्ट्रातील कारखान्यांनी खालील विभागांत यश संपादन केले आहे:

• तांत्रिक कार्यक्षमता (उच्च उतारा विभाग) :
  • प्रथम : नीरा भीमा सहकारी साखर कारखाना (पुणे)
  • द्वितीय : विलास सहकारी साखर कारखाना (तुळजापूर)
  • तृतीय : श्री विघ्नहर सहकारी साखर कारखाना (पुणे)
• सर्वोच्च साखर उतारा पुरस्कार : अजिंक्यतारा सहकारी साखर कारखाना (सातारा)
• संस्थात्मक सामाजिक दायित्व (CSR) : राजारामबापू पाटील सहकारी साखर कारखाना (सांगली)
• सर्वोत्तम सहकारी साखर कारखाना : कर्मयोगी सुधाकरपंत परिचारक पांडुरंग सहकारी साखर कारखाना (सोलापूर)
• वसंतदादा पाटील पुरस्कार : डॉ. जी. डी. बापू लाड सहकारी साखर कारखाना (सांगली)

हंगाम २०२४-२५ : महाराष्ट्राची दमदार कामगिरी

सन २०२४-२५ च्या हंगामातही राज्यातील कारखान्यांनी विविध श्रेणींमध्ये पारितोषिके पटकावली आहेत:

• उच्च उतारा विभाग :
  • प्रथम : श्री दत्त शेतकरी सहकारी साखर कारखाना (कोल्हापूर)
  • द्वितीय : कर्मयोगी अंकुशराव टोपे समर्थ सहकारी साखर कारखाना (जालना)
  • तृतीय : सह्याद्री सहकारी साखर कारखाना (सातारा)
• तांत्रिक कार्यक्षमता :
  • प्रथम : यशवंतराव मोहिते कृष्णा सहकारी साखर कारखाना (सातारा)
  • द्वितीय : डॉ. पतंगराव कदम सोनहिरा सहकारी साखर कारखाना (सांगली)
  • तृतीय : सोमेश्वर सहकारी साखर कारखाना (पुणे)
• आर्थिक व्यवस्थापन :
  • तृतीय : विठ्ठलराव शिंदे सहकारी साखर कारखाना (सोलापूर)
• सर्वोच्च साखर उतारा पुरस्कार : भोगावती सहकारी साखर कारखाना (कोल्हापूर)
• संस्थात्मक सामाजिक दायित्व (CSR) : अशोक सहकारी साखर कारखाना (कोल्हापूर)
• सर्वोत्तम सहकारी साखर कारखाना : श्री छत्रपती शाहू सहकारी कारखाना, कागल (कोल्हापूर)
• वसंतदादा पाटील पुरस्कार : भीमाशंकर सहकारी साखर कारखाना (पुणे)
• जीवनगौरव पुरस्कार : कल्लाप्पाण्णा आवाडे जवाहर शेतकरी सहकारी साखर कारखाना (कोल्हापूर)

संपूर्ण यादी
—————
राष्ट्रीय कार्यक्षमता पुरस्कार – गाळप हंगाम २०२४-२५ :
सर्वोत्कृष्ट सहकारी साखर कारखाना (वसंतदादा पाटील पुरस्कार) : भीमाशंकर सहकारी साखर कारखाना (पुणे)

सर्वोत्कृष्ट सहकारी साखर कारखाना :
उच्च उतारा : श्री छत्रपती शाहू सहकारी साखर कारखाना (कागल, कोल्हापूर)
इतर उतारा : द किसान सहकारी चिनी मिल्स (उत्तर प्रदेश)

ऊस विकास :
उच्च उतारा : प्रथम- श्री दत्त शेतकरी सहकारी साखर कारखाना (कोल्हापूर), द्वितीय- कर्मयोगी अंकुशराव टोपे समर्थ सहकारी साखर कारखाना (जालना), तृतीय- सह्याद्री सहकारी साखर कारखाना (सातारा).
इतर उतारा : प्रथम- सर्जु चिनी मिल्स (उत्तर प्रदेश), द्वितीय- फाझिलका (पंजाब), तृतीय- किसान चिनी मिल्स (उत्तर प्रदेश).

तांत्रिक कार्यक्षमता :
उच्च उतारा : प्रथम- यशवंतराव मोहिते कृष्णा सहकारी साखर कारखाना (सातारा), द्वितीय- डॉ. पतंगराव कदम सोनहिरा सहकारी साखर कारखाना (सांगली), तृतीय- श्री सोमेश्वर सहकारी साखर कारखाना (पुणे).
इतर उतारा : प्रथम- शहाबाद (हरियाणा), द्वितीय- नकोदर (पंजाब), तृतीय- भोगपूर (पंजाब).

आर्थिक व्यवस्थापन :
उच्च उतारा : प्रथम- श्री. खेडूत खांड उद्योग (गुजरात), द्वितीय- श्री. मढी विभाग खांड उद्योग (गुजरात), तृतीय- विठ्ठलराव शिंदे सहकारी साखर कारखाना (सोलापूर).
इतर उतारा : प्रथम- धर्मापुरी शुगर मिल्स (तमिळनाडू), द्वितीय- बटाला (पंजाब), तृतीय- बागपत (उत्तर प्रदेश).

उच्च साखर उतारा :
उच्च विभाग- भोगावती सहकारी साखर कारखाना(कोल्हापूर).
इतर विभाग- भोरमदेव शक्कर कारखाना (छत्तीसगड).

संस्थात्मक सामाजिक दायित्व (सीएसआर) :
उच्च विभाग- अशोक (अहिल्यानगर).
इतर विभाग- चेंगलरायण (तमिळनाडू).
——————
राष्ट्रीय कार्यक्षमता पुरस्कार – गाळप हंगाम २०२५-२६ :

सर्वोत्कृष्ट सहकारी साखर कारखाना (वसंतदादा पाटील पुरस्कार) : क्रांतीअग्रणी डॉ. जी. डी. बापू लाड (सांगली)

सर्वोत्कृष्ट सहकारी साखर कारखाना :
उच्च उतारा : कर्मयोगी सुधाकरपंत परिचारक पांडुरंग (सोलापूर).
इतर उतारा : कल्लाकुरिची-२ (तमिळनाडू).

ऊस विकास :
उच्च उतारा : प्रथम- चिदानंद बसप्रभू कोरे सहकारी साखर कारखाना (कर्नाटक), द्वितीय- सहकारी खांड उद्योग (गुजरात), तृतीय- सहकारमहर्षी शंकरराव मोहिते-पाटील सहकारी साखर कारखाना (सोलापूर).
इतर उतारा : प्रथम- कर्नाल (हरियाणा), द्वितीय- बुधेवाल (पंजाब), तृतीय- गंगा किसान चिनी मिल्स (उत्तर प्रदेश).

तांत्रिक कार्यक्षमता :
उच्च उतारा : प्रथम- नीरा भीमा सहकारी साखर कारखाना (पुणे), द्वितीय- विलास सहकारी साखर कारखाना (लातूर), तृतीय- श्री विघ्नहर (पुणे).
इतर उतारा : प्रथम- पानिपत (हरियाणा), द्वितीय- रमाला (उत्तर प्रदेश), तृतीय- किसान चिनी मिल्स (उत्तर प्रदेश).

आर्थिक व्यवस्थापन :
उच्च उतारा : प्रथम- श्री. नर्मदा खांड उद्योग (गुजरात), द्वितीय- श्री. खेडूत खांड उद्योग (गुजरात), तृतीय- श्री. सायन विभाग खांड उद्योग (गुजरात).
इतर उतारा : प्रथम- सुब्रमणिया सिवा (तमिळनाडू), द्वितीय- किसान चिनी मिल्स (उत्तर प्रदेश), तृतीय- नवलसिंग शक्कर कारखाना (मध्य प्रदेश).

सर्वोत्कृष्ट सहकारी आसवनी :
उच्च विभाग- प्रथम- श्री. हलसिद्धनाथ (कर्नाटक), द्वितीय- श्री. महुवा प्रदेश खांड उद्योग (गुजरात).

उच्च साखर उतारा :
उच्च विभाग- अजिंक्यतारा (सातारा).
इतर विभाग- भोरमदेव (छत्तीसगड).

संस्थात्मक सामाजिक दायित्व (सीएसआर) :
उच्च विभाग- राजारामबापू पाटील (सांगली).
इतर विभाग- आस्का (ओडिशा).
—————
कल्लाप्पाण्णा आवाडे यांना जीवनगौरव
सहकारी साखर उद्योगासाठी संपूर्ण आयुष्य समर्पित केलेल्या व्यक्तींना या वर्षापासून महासंघातर्फे जीवनगौरव पुरस्काराने सन्मानित करण्यात येणार आहे. यंदाचा पहिला प्रतिष्ठित ‘जीवन गौरव पुरस्कार’ जवाहर शेतकरी सहकारी साखर कारखान्याचे (हुपरी-यळगूड, कोल्हापूर) संस्थापक अध्यक्ष, माजी मंत्री कल्लाप्पाण्णा आवाडे यांना जाहीर झाला आहे.
—————–
नवीन पुरस्कारांची सुरुवात
महासंघाने सर्वोत्कृष्ट सहकारी बँक आणि ऊस संशोधक शास्त्रज्ञ यांनाही सन्मानित करण्याचा उपक्रम सुरू केला आहे. २०२५-२६ साठी ‘उत्कृष्ट बँक’ म्हणून राष्ट्रीय सहकारी विकास महामंडळ नवी दिल्ली, पुणे जिल्हा मध्यवर्ती बँक आणि सुरत सहकारी बँक (गुजरात) यांना पुरस्कार जाहीर झाला आहे. तर, ऊस संशोधनातील सर्वोत्कृष्ट योगदानासाठी तमिळनाडूतील शुगरकेन ब्रीडिंग इन्स्टिट्यूटच्या माजी मुख्य शास्त्रज्ञ डॉ. के. व्ही. भाग्यलक्ष्मी यांना पुरस्कार देण्यात येणार आहे.