कर्नाटकात नवे ४४ साखर कारखाने उभे राहणार

नवी दिल्ली : नवीन साखर कारखाने सुरू करण्यासाठी परवानगी मागणारे 44 अर्ज कर्नाटक सरकारकडे प्राप्त झाले, अशी माहिती साखर मंत्री शंकर पाटील मुनेनाकोप्पा यांनी दिली. याद्वारे सुमारे 15,000 कोटी रुपयांच्या गुंतवणूक होणार आहे.

केंद्रीय वाणिज्य आणि अन्न मंत्री पीयूष गोयल यांची भेट घेण्यासाठी येथे आलेल्या मुनेनाकोप्पा यांनी सांगितले की, ‘‘बहुतेक या कारखान्यांना बेळगावी, विजयपुरा, बागलकोट, कोप्पल आणि धारवाड जिल्ह्यांमध्ये त्यांचा साखर उत्पादन प्रकल्प उभारायचा आहे. “साखर कारखान्यांसाठी मूळ परवाने कर्नाटक सरकारच्या ऊस विकास आणि साखर संचालनालयाने देणे आवश्यक असल्याने, आम्ही या अर्जांवर प्रक्रिया सुरू केली आहे,”

सध्या राज्यात 78 साखर कारखाने पूर्ण क्षमतेने कार्यरत आहेत. गेल्या गळीत हंगामात या कारखान्यांनी एकूण 622 लाख टन उसाचे गाळप केले होते, तर यावर्षी 650 लाख टन उसाचे गाळप अपेक्षित आहे, असे ते म्हणाले.

सर्व कारखान्यांनी शेतकऱ्यांची थकबाकी दिली असल्याचा दावाही त्यांनी केला. शेतकऱ्यांच्या रास्त आणि किफायतशीर किंमत (एफआरपी) वाढविण्याच्या मागणीवर, ते म्हणाले की राज्य सरकारने केंद्रीय वाणिज्य आणि अन्न मंत्री पीयूष गोयल यांना यापूर्वीच निवेदन सादर केले आहे.