बाणगंगा कारखान्याच्या गेटवर ९ जूनपासून शेतकऱ्यांचे बेमुदत उपोषण

बीड: ८ जूनपर्यंत सर्व थकीत बिले शेतकऱ्यांच्या खात्यावर जमा झाली नाहीत, तर ९ जूनपासून कारखान्याच्या मुख्य प्रवेशद्वारासमोर शेतकरी बेमुदत आमरण उपोषण सुरू करतील, असा इशारा शेतकऱ्यांनी दिला आहे.

वाशी तालुक्यातील बाणगंगा सहकारी साखर कारखान्याने जानेवारी २०२६ पासूनची उसाची बिले थकवल्यामुळे शेतकरी आक्रमक झाले आहेत. कारखान्याने डिसेंबर २०२५ पर्यंतची बिले दिली असली, तरी त्यानंतरचे ५ महिन्यांचे पैसे अद्याप दिलेले नाहीत, ज्यामुळे शेतकऱ्यांचे आर्थिक नियोजन कोलमडले आहे.

ईडा-जवळा येथील शेतकऱ्यांनी नायब तहसीलदार डी. जी. शिंदे यांना निवेदन देऊन आपल्या मागण्या मांडल्या आहेत. निवेदनात स्पष्ट म्हटले आहे की, जर ८ जूनपर्यंत सर्व थकीत बिले शेतकऱ्यांच्या खात्यावर जमा झाली नाहीत, तर ९ जूनपासून कारखान्याच्या मुख्य प्रवेशद्वारासमोर शेतकरी बेमुदत आमरण उपोषण सुरू करतील. कारखान्याच्या टाळाटाळ करण्याच्या भूमिकेमुळे शेतकऱ्यांमध्ये तीव्र संताप व्यक्त होत आहे.