संत सेना महाराज पुण्यतिथी

आज मंगळवार, सप्टेंबर ८, २०२६
युगाब्द : ५१२८
भारतीय राष्ट्रीय सौर भाद्रपद दिनांक १७, शके १९४८
🌅 सूर्योदय : ०६:२५
🌇 सूर्यास्त : १८:४७
🌙 चंद्रोदय : २८:३०+
🌙 चंद्रास्त : १६:४७
शक संवत : १९४८ — पराभव
संवत्सर : पराभव
दक्षिणायन
ऋतू : वर्षा
चांद्रमास : श्रावण
पक्ष : कृष्ण पक्ष
तिथी : द्वादशी — १४:४२ पर्यंत
नक्षत्र : पुष्य — १६:३९ पर्यंत
योग : परिघ — २४:४०+ पर्यंत
करण : तैतिल — १४:४२ पर्यंत
द्वितीय करण : गर — २५:३५+ पर्यंत
☀️ सूर्य राशी : सिंह
🌙 चंद्र राशी : कर्क
⏰ राहुकाल : १५:४२ ते १७:१५
⏰ गुलिक काल : १२:३६ ते १४:०९
⏰ यमगंड : ०९:३० ते ११:०३
✨ अभिजित मुहूर्त : १२:११ ते १३:०१
⚠️ दुर्मुहूर्त : ०८:५३ ते ०९:४३
⚠️ दुर्मुहूर्त : २३:२६ ते २४:१३+
🌸 अमृत काल : १०:४० ते १२:१०
⚠️ वर्ज्य : २८:४१+ ते ३०:१२+
━━━━━━━━━━━━━━━━━━

🌿 ॥ संत सेना महाराज पुण्यतिथी ॥ 🌿
“आम्ही वारीक वारीक । करू हजामत बारीक ।।
विवेक दर्पण आयना दाऊ । वैराग्य चिमटा हालऊ ।।
उदक शांती डोई घोळू । अहंकाराची शेंडी पिळू ।।
भावार्थाच्या बगला झाडू । काम क्रोध नखे काढू ।।
चौवर्णा देऊनी हात । सेना राहिला निवांत ।।”

संत सेना महाराज हे वारकरी संप्रदायातील संत असून त्यांना संत ज्ञानदेव-नामदेवांच्या संतपरिवारातील मानले जाते. मध्यप्रदेशातील बांधवगड येथे त्यांचा जन्म झाला. त्यांचा मूळ व्यवसाय नाभिकाचा होता आणि राजदरबारात हजामतीचा मान त्यांच्या कुटुंबाला प्राप्त होता.
शरीराने आपले कर्तव्य पार पाडताना सेना महाराजांचे मन मात्र अखंड भगवंताच्या भक्तीत रमलेले असे. त्यांच्या जीवनाशी संबंधित कथेत, एकदा बादशहाने त्यांना हजामतीसाठी बोलावले असता ते पूजेत तल्लीन होते. भक्ताचे रक्षण करण्यासाठी प्रत्यक्ष विठ्ठलानेच बादशहाची हजामत केली, अशी भक्तिपरंपरेतील कथा सांगितली जाते.
या कथेतून देव-भक्तातील अतूट नाते, निष्काम भक्ती आणि कर्तव्यनिष्ठा यांचा सुंदर संदेश मिळतो.
🙏 संत सेना महाराजांना विनम्र अभिवादन! 🙏

━━━━━━━━━━━━━━━━━━
🌺 ॥ स्वामी स्वरूपानंद, पावस — पुण्यतिथी ॥ 🌺
“स्वरूप-लहरी, सबाह्याभ्यंतरी ।
सर्व विश्वांतरी, व्यापुनिया ॥१॥
पावसी मानसी, अणुरेणुयासी ।
झंकार नित्यासी, सोऽहं सोऽहं ॥२॥
नेक सोऽहं भावे, एकरूप व्हावे ।
स्वरूपी त्या जावे, विश्रांतीसी ॥३॥
ज्ञानियाची भक्ति, ज्ञानियाची युक्ति ।
कृष्णदास चित्ती, ठसलीसे ॥४॥”
🙏 स्वामी स्वरूपानंदांना विनम्र अभिवादन! 🙏
━━━━━━━━━━━━━━━━━━
📚 ॥ आंतरराष्ट्रीय साक्षरता दिन ॥ 📚
दरवर्षी ८ सप्टेंबर रोजी जगभरात आंतरराष्ट्रीय साक्षरता दिन साजरा केला जातो.

समाजात शिक्षणाविषयी जागरूकता निर्माण करणे आणि प्रत्येक व्यक्तीच्या जीवनातील साक्षरतेचे महत्त्व अधोरेखित करणे हा या दिनामागील प्रमुख उद्देश आहे.
UNESCO ने ७ नोव्हेंबर १९६५ रोजी हा दिवस साजरा करण्याचा निर्णय घेतला आणि १९६६ पासून हा दिन पाळण्यास सुरुवात झाली.
“एक सुशिक्षित, सक्षम आणि शांततापूर्ण समाज घडवण्यासाठी साक्षरता ही पायाभूत गरज आहे.”
📖 ज्ञान हेच सामर्थ्य; साक्षरता ही प्रगतीची पहिली पायरी!

━━━━━━━━━━━━━━━━━━
🧘‍♂️ ॥ जागतिक शारीरिक उपचार दिन ॥ 🧘‍♀️
दरवर्षी ८ सप्टेंबर रोजी जागतिक शारीरिक उपचार दिन (World Physical Therapy Day) साजरा केला जातो.
शारीरिक उपचार अर्थात फिजिओथेरपीचे आरोग्य सुधारण्यात, वेदना कमी करण्यात आणि शरीराची हालचाल व कार्यक्षमता पूर्ववत करण्यात असलेले महत्त्व लोकांपर्यंत पोहोचवणे हा या दिनाचा उद्देश आहे.
हा दिवस World Physiotherapy या जागतिक संस्थेने १९९६ मध्ये सुरू केला. १९५१ मध्ये याच दिवशी या संस्थेची स्थापना झाली होती.
💐 आरोग्य, हालचाल आणि स्वावलंबनासाठी कार्य करणाऱ्या सर्व फिजिओथेरपिस्टना मनःपूर्वक शुभेच्छा! 💐
━━━━━━━━━━━━━━━━━━
🎵 ॥ भारतरत्न भूपेन हजारिका — जन्मदिन ॥ 🎵
“दिल हूँ हूँ करे, घबराए
घन धम धम करे, गरजाए
एक बूँद कभी पानी की
मोरे अँखियों से बरसाए…”

🎶 १९२६ : भारतरत्न सन्मानित संगीतकार, गायक, गीतकार, कवी आणि चित्रपट निर्माते भूपेन हजारिका यांचा जन्म.
वयाच्या अवघ्या दहाव्या वर्षी गीत तयार करून गाणाऱ्या भूपेन हजारिका यांनी ‘इंद्रमालती’ या चित्रपटात भूमिका केली. पुढे त्यांनी गुवाहाटी आणि बनारस हिंदू विद्यापीठात शिक्षण घेतले. त्यानंतर न्यूयॉर्कमधील कोलंबिया विद्यापीठातून उच्च शिक्षण घेत पीएच.डी. प्राप्त केली.

१९७५ मध्ये त्यांना सर्वोत्कृष्ट प्रादेशिक चित्रपटाचा राष्ट्रीय पुरस्कार मिळाला. १९९२ मध्ये भारतीय चित्रपटसृष्टीतील मानाचा दादासाहेब फाळके पुरस्कार देऊन त्यांचा गौरव करण्यात आला. २०११ मध्ये भारत सरकारने त्यांना पद्म भूषण पुरस्काराने सन्मानित केले.
ब्रह्मपुत्रा नदीवरील धोला-सदिया पुलाला भूपेन हजारिका यांचे नाव देण्यात आले आहे.
🎼 भारतीय संगीतविश्वातील या महान कलावंतास विनम्र अभिवादन! 🙏
━━━━━━━━━━━━━━━━━━

✍️ ॥ कवी वा. रा. कांत — स्मृतिदिन ॥
“जे शोधित होतो जीवनात दिन-रात
ते नाही सापडले कधीही शब्दात ।
शब्दातून शब्दच फिरूनी हाती आला
दोन्हीतूनी अंती अर्थ गळूनिया गेला ।
कविताही काय अंती एक निसटणे
लाटांची लीला गळ टाकोनी बसणे…”
वामन रामराव तथा वा. रा. कांत यांचा जन्म ६ ऑक्टोबर १९१३ रोजी झाला. इंग्रजांच्या आणि निजामाच्या राजवटीतील दोन पारतंत्र्यांचा अनुभव त्यांच्या पिढीने घेतला.

मराठी भाषेवर बंधने असलेल्या प्रतिकूल वातावरणातही कांतांनी आपल्या प्रतिभेने काव्यलेखनाची ज्योत तेवत ठेवली. सामाजिक अन्याय, शोषण, क्रांती, सौंदर्य, प्रेम-वियोग, सुख-दुःख आणि मृत्यू अशा विविध जीवनानुभवांना त्यांनी आपल्या कवितेत प्रभावीपणे व्यक्त केले.
‘त्या तरुतळी विसरले गीत’, ‘बगळ्यांची माळ फुले’, ‘राहिले ओठांतल्या ओठांत’, ‘सखी शेजारिणी’ यांसारख्या त्यांच्या रचना आजही रसिकांच्या स्मरणात आहेत.
“शब्द माझा धर्म । शब्द माझे कर्म ।
शब्द हेच वर्म । ईश्वराचे ।”
त्यांच्या अखेरच्या ‘मावळते शब्द’ या काव्यसंग्रहातील ओळी त्यांच्या शब्दनिष्ठेची साक्ष देतात—
“मी पंगू झालो म्हणून तुम्ही अपंग होऊ नका, माझ्या शब्दांनो!”
१९९१ मध्ये त्यांचे निधन झाले.

🙏 या शब्दयोग्याला विनम्र अभिवादन! 🙏
━━━━━━━━━━━━━━━━━━
📜 ॥ आजच्या इतिहासातील काही महत्त्वाच्या घटना ॥
🔹 १८३१ — विल्यम चतुर्थ इंग्लंडच्या राजेपदी विराजमान झाले.
🔹 १८५७ — ब्रिटिशांविरुद्धच्या उठावात सहभागी झाल्याबद्दल रंगो बापूजी गोखले यांचे पुत्र सीताराम यांच्यासह १४ क्रांतिकारकांना साताऱ्यातील गेंडा माळावर फाशी देण्यात आली.
🔹 १९०० — अमेरिकेतील गॅल्व्हेस्टन येथे आलेल्या भीषण हरिकेनमध्ये सुमारे ८,००० नागरिक मृत्युमुखी पडले.
🔹 १९४४ — दुसऱ्या महायुद्धात लंडनवर पहिल्यांदा V-2 बॉम्बचा हल्ला झाला.
🔹 १९५४ — दक्षिण-पूर्व आशिया करार संघटना (SEATO) स्थापन झाली.
🔹 १९६२ — स्वातंत्र्यप्राप्त अल्जेरियाने नवीन संविधान स्वीकारले.
🔹 १९६६ — लोकप्रिय Star Trek मालिकेचे प्रसारण सुरू झाले.
🔹 १९९१ — मॅसेडोनियाने युगोस्लाव्हियापासून स्वातंत्र्य घोषित केले.
🔹 २००० — दूरचित्रवाणी वाहिन्यांवर सिगारेट, तंबाखू आणि मद्याच्या जाहिरातींवर बंदी घालणारा कायदा अस्तित्वात आला.

━━━━━━━━━━━━━━━━━━
🕯️ ॥ आजच्या दिवशी निधन पावलेले मान्यवर ॥
🔸 १९६० — राजकारणी, पत्रकार आणि इंदिरा गांधी यांचे पती फिरोज गांधी यांचे निधन.
🔸 १९८१ — तत्त्वज्ञानी निसर्गदत्त महाराज यांचे निधन.
🔸 १९८२ — जम्मू-काश्मीरचे नेते व राजकारणी शेख अब्दुल्ला यांचे निधन.
🔸 २०१० — कन्नड व तमिळ अभिनेते मुरली यांचे निधन.
🔸 २०१९ — केंद्रीय कायदामंत्री व कायदेपंडित राम जेठमलानी यांचे निधन.

━━━━━━━━━━━━━━━━━━
🌟 ॥ आजचे जन्मदिनविशेष ॥ 🌟
🔹 १८४६ — भारतीय-हॉंगकॉंग उद्योजक व राजकारणी पॉल चेटर यांचा जन्म.
🔹 १८८७ — योगी व अध्यात्मिक गुरु स्वामी शिवानंद सरस्वती यांचा जन्म.
🔹 १९३० — महाराष्ट्रातील ऋषितुल्य व्यक्तिमत्त्व पंडित वसंत अनंत गाडगीळ यांचा जन्मदिन. ( मृत्यु : १८ ऑक्टोबर, २०२४ )
🔹 १९३३ — जगप्रसिद्ध पार्श्वगायिका आशा भोसले यांचा जन्मदिन. ( मृत्यु : १२ एप्रिल, २०२६ )
━━━━━━━━━━━━━━━━━━
🌷 ज्ञान, भक्ती, आरोग्य आणि संस्कार यांचा सुंदर संगम असलेला हा दिवस आपल्या सर्वांच्या जीवनात आनंद, समाधान, आरोग्य आणि सकारात्मक ऊर्जा घेऊन येवो.