ईलेक्ट्रिक व्हेइकलच्या जमान्यात इथेनॉलला भवितव्य काय?

ऑटोमोबाइल क्षेत्रात ईव्ही अर्थात ईलेक्ट्रिक व्हेइकलचा जगभर बोलबाला सुरू झाला असताना, इथेनॉलला इंधन म्हणून काय भवितव्य असेल, असा सवाल कोणालाही पडणारच. भारतासह अनेक देश बायोफ्युल इकॉनॉमीवर भविष्याचे आराखडे बांधत असताना, या क्षेत्राचे भवितव्य नेमके कसे असेल?

कारच्या विद्युतीकरणाला चालना देण्यासाठी सरकारे आणि वाहन निर्मात्यांनी केलेल्या जागतिक चळवळीचा अर्थ असा नाही की उत्पादन म्हणून इथेनॉल मृत होईल, असे जगातील सर्वात मोठ्या जैवइंधनाच्या उत्पादकांना वाटते. .

जैवइंधन निर्माण करणाऱ्या देशांमध्ये आणि जेथे EV चा अवलंब करणे कमी होते, जसे की ब्राझील आणि भारत, अशा उद्योगांना उत्सर्जन कमी करण्यासाठी जैवइंधन वापरणे आवश्यक आहे, जेथे विद्युतीकरण हा व्यवहार्य पर्याय नाही; अशा उद्योगांमध्ये बायोफ्युल हाच पर्याय राहणार आहे, असे पॉला कोवार्स्की यांना वाटते, त्या ब्राझीलच्या रायझेन एसए मधील मुख्य धोरण अधिकारी आहेत.

न्यूयॉर्कमधील एका मुलाखतीवेळी त्या म्हणाल्या, भविष्यात शिपिंग आणि व्यावसायिक विमानचालन हे जैवइंधनासाठी ठोस लक्ष्य आहेत. तसेच इलेक्ट्रिक मोटारीदेखील फुएलसेल वापरुन, इथेनॉलचे हायड्रोजनमध्ये रूपांतर करू शकतात.
“मला कल्पना आहे की ऑटोमेकर्स युरोप किंवा यूएसमध्ये बॅटरी वापरत असतील, तर भारत आणि ब्राझीलमध्ये त्याच इलेक्ट्रिक कार मॉडेलमध्ये, बॅटरी ऐवजी ते इंधन सेल (फ्युल सेल) वापरू शकतात, तेथे इथेनॉलचे हायड्रोजन मध्ये रूपांतर होऊन, इलेक्ट्रिक मोटर चालू शकेल , त्यामुळे इथेनॉलसारख्या जैव इंधनाची मागणी कायम राहील” असेही त्या म्हणाल्या.
निसान, टोयोटा आणि फोक्सवॅगन या हायब्रीड तंत्रज्ञान विकसित करणार्‍या कार उत्पादकांपैकी आहेत, जे कारच्या आत हायड्रोजन तयार करण्यासाठी इथेनॉल वापरतात, या गॅसमुळे इलेक्ट्रिक मोटर चालते.

दरम्यान, ईव्हीच्या विकासासाठी आणि चाचणीसाठी कठोर मार्गदर्शक तत्त्वे असायला हवीत असे उद्योगातील नेत्यांचे म्हणणे आहे.