छत्रपती साखर कारखान्याच्या उपाध्यक्षपदी शिवाजी निंबाळकर बिनविरोध
इंदापूर : प्रतिनिधी
श्री छत्रपती सहकारी साखर कारखान्याच्या उपाध्यक्षपदी शिवाजी निंबाळकर यांची बिनविरोध निवड झाली आहे. उपाध्यक्षपद रिक्त झाल्यानंतर घेण्यात आलेल्या निवड प्रक्रियेत त्यांचा एकमेव अर्ज दाखल झाल्याने निवडणूक निर्णय अधिकाऱ्यांनी त्यांची बिनविरोध निवड जाहीर केली.
निंबाळकर यांनी यापूर्वी संचालक म्हणून कारखान्याच्या विविध कामांमध्ये सक्रिय सहभाग नोंदविला असून, सहकार क्षेत्रातील त्यांच्या अनुभवाचा कारखान्याच्या विकासासाठी उपयोग होईल, असा विश्वास संचालक मंडळाने व्यक्त केला आहे. निवडीनंतर कारखाना परिसरात कार्यकर्त्यांनी त्यांचे स्वागत केले.
यावेळी अध्यक्ष पृथ्वीराज जाचक, संचालक मंडळातील सदस्य, अधिकारी आणि कर्मचारी उपस्थित होते. कारखान्याचा गाळप हंगाम अधिक कार्यक्षम करण्याबरोबरच ऊस उत्पादक शेतकऱ्यांना अधिकाधिक सेवा देण्यासाठी संचालक मंडळ कटिबद्ध असल्याचे निंबाळकर यांनी सांगितले. त्यांच्या निवडीमुळे कारखान्याच्या प्रशासनाला नवी दिशा मिळेल, अशी अपेक्षा सभासदांनी व्यक्त केली.
