उदगिरी शुगरची दिवाळी भेट, गाळप झालेल्या उसाला प्रति टन 100 रु. अतिरक्त अनुदान

सांगली । शुगरटुडे

उदगिरी शुगर अँड पॉवर लि. बामणी (पारे), (ता. खानापूर,जि.सांगली) या कारखान्याने सन 2025-26 च्या ऊस गाळप हंगामात कारखान्याकडे गाळपासाठी आलेल्या ऊसासाठी प्रतिटन 100 रुपये प्रमाणे 5 कोटी 1 लाख रुपये अतिरिक्त रक्कम शेतकऱ्यांच्या बँक खात्यावर वर्ग करण्याचा महत्वपूर्ण निर्णय घेतला आहे.

या निर्णयामुळे ऊस उत्पादक शेतकऱ्यांची दिवाळी अधिक गोड होणार आहे. कारखान्याचे मा. संस्थापक डॉ.शिवाजीराव कदम यांच्या मार्गदर्शनाखाली, तसेच मा. चेअरमन डॉ. राहुलदादा कदम यांच्या नेतृत्वाखाली हा शेतकरी हिताचा निर्णय घेण्यात आला आहे. ऊस उत्पादक शेतकरी हा साखर उद्योगाचा मुख्य आधार असून शेतकऱ्यांच्या आर्थिक उन्नतीला प्राध्यान देण्याची भूमिका उदगिरी शुगरने कायम जपली आहे. शेतकऱ्यांच्या कष्टाची जाणीव ठेवून प्रतिटन 100 रुपये अतिरिक्त रक्कम देण्याचा निर्णय म्हणजे कारखाना व्यवस्थापनाची शेतकऱ्याच्यां प्रती असलेली बांधिलकी अधोरेखीत करणारी आहे.

चालू गळीत हंगामात कारखान्याने जास्तीत जास्त ऊस गाळपाचे उदिष्ट ठेवले असून, त्यासाठी सक्षम तोडणी वाहतूक यंत्रणा उभारली आहे. शेतकऱ्यांना नेहमीच चांगला ऊस दर देण्याची परंपरा कारखान्याने जपली आहे. यंदा ऊस गाळप समाधानकारक सुरु असून, उप पदार्थ निर्मितीचे सर्व प्रकल्प पूर्ण क्षमतेने कार्यरत आहेत. शेतकऱ्यांनी आपला संपूर्ण ऊस गाळपासाठी उदगिरी शुगर अँड पॉवर लि., बामणी (पारे) पाठवावा असे आवाहन ही कारखान्याचे मा. संस्थापक डॉ. शिवाजीराव कदम सर व मा.चेअरमन डॉ. राहुलदादा कदम यांनी केले.