‘यशवंत’चा जमीन व्यवहार पुन्हा लटकला
पुणे। शुगरटुडे
येथील यशवंत सहकारी साखर कारखान्याच्या प्रस्तावित जमीन खरेदी व्यवहाराला राज्य शासनाने पुन्हा एकदा स्थगिती दिल्याने हा विषय पुन्हा चर्चेत आला आहे. शासनाने पुढील आदेश येईपर्यंत जमीन खरेदी प्रक्रियेशी संबंधित सर्व प्रशासकीय आणि आर्थिक कार्यवाही थांबविण्याचे निर्देश दिले आहेत.
कारखान्यासाठी सुमारे १११ एकरांहून अधिक जमीन खरेदीचा प्रस्ताव विचाराधीन असून या व्यवहाराचे मूल्य सुमारे कोटी रुपयांपर्यंत असल्याचे सांगितले जाते. यापूर्वीही या प्रक्रियेला स्थगिती देण्यात आली होती. त्यानंतर काही अटींसह प्रक्रिया सुरू होण्याची शक्यता निर्माण झाली होती; मात्र नव्या आदेशामुळे संपूर्ण प्रक्रिया पुन्हा रखडली आहे.
दरम्यान, या व्यवहाराविरोधात काही शेतकरी आणि सभासदांनी न्यायालयात धाव घेतली असून विविध कायदेशीर मुद्द्यांवर सुनावणी सुरू आहे. त्यामुळे शासनाचा अंतिम निर्णय आणि न्यायालयीन प्रक्रियेचा निकाल लागेपर्यंत जमीन व्यवहार अनिश्चिततेच्या भोवऱ्यातच राहण्याची शक्यता व्यक्त होत आहे.
