कर्नाटकात एफआरपीपेक्षा अधिक दर : साखर मंत्री पाटील

ऊस दर निश्चित करण्यासाठी इथेनॉलचा विचार

बेंगळुरू : कर्नाटक सरकारने यंदाच्या ऊस गळित हंगामामध्ये इथेनॉलचा विचार करून, टनाला एफआरपीपेक्षा अधिक दर देऊ केला आहे.

राज्याचे साखर मंत्री शंकर पाटील मुनेनकोप्पा यांनी सांगितले की, राज्यातील साखर उद्योगाच्या इतिहासात प्रथमच शेतकऱ्यांना रास्त आणि किफायतशीर किमतीपेक्षा (एफआरपी) जास्त रक्कम देण्यासाठी इथेनॉलचा विचार करण्यात आला आहे.

त्याचा एक भाग म्हणून, शेतकऱ्यांना एफआरपीवर प्रति टन ₹50 अधिक मिळतील, त्यामुळे ऊस उत्पादकांना ₹204.47 कोटी जादा मिळणार आहेत. 2022-2023 च्या गाळप हंगामात, शेतकऱ्यांना मागील हंगामापेक्षा 200 रुपये प्रति टन अधिक मिळत आहेत. यामध्ये केंद्राने घोषित केलेल्या वाढीव एफआरपीचे ₹150 आणि इथेनॉलमुळे मिळणारे रू. ५० असे मिळून या हंगामात शेतकऱ्यांना प्रति टन ३,१०० रुपये मिळतील, असे पाटील म्हणाले.

2021-2022 मध्ये एकूण 622.26 लाख टन उसाचे गाळप करून 59.78 लाख टन साखरेचे उत्पादन करण्यात आले होते, ते म्हणाले, साखर कारखान्यांनी ऑक्टोबर अखेरपर्यंत 19,922 कोटी रुपये दिले आहेत. 2022-23 च्या गाळप हंगामात 78 साखर कारखान्यांनी गाळप परवाने घेतले आहेत. त्यापैकी 68 कारखान्यांनी गाळप सुरू केले आहे. या हंगामात कारखान्यांनी आतापर्यंत 119.46 लाख टन उसाचे गाळप करून 38.77 लाख क्विंटल साखरेचे उत्पादन केले आहे, अशी माहिती पाटील यांनी दिली.

News Agency