रोज दीड लाख लिटर इथेनॉल उत्पादन : जयंत पाटील

इस्लामपूर ः इथेनॉलला सध्या चांगला दर मिळत असल्यामुळे पुढील महिन्यापासून साखराळे युनिटमध्ये रोज दीड लाख लिटर इथेनॉल निर्मिती करणार आहोत] अशी घोषणा माजी मंत्री जयंत पाटील यांनी केली..

राजारामबापू पाटील सहकारी साखर कारखान्याच्या ५३ व्या वार्षिक सभेत पाटील बोलत होते. कारखान्याचे अध्यक्ष पी. आर. पाटील हे वार्षिक सर्वसाधारण सभेच्या अध्यक्षस्थानी होते.

उपाध्यक्ष विजयराव पाटील, माजी आमदार भगवानराव साळुंखे, राजारामबापू बँकेचे अध्यक्ष प्रा. शामराव पाटील, राजारामबापू दूध संघाचे अध्यक्ष नेताजीराव पाटील, माजी सभापती रवींद्र बर्डे, विष्णुपंत शिंदे, भीमराव पाटील, संभाजी कचरे, शिक्षण संस्थेचे अध्यक्ष शामराव पाटील, सचिव आर. डी. सावंत, विनायक पाटील, शशिकांत पाटील, बाळासाहेब पाटील, संजय पाटील, देवराज पाटील आणि कारखान्याचे सभासद सभेला मोठ्या संख्येने उपस्थित होते.