या कारखान्यांनी दिली FRP पेक्षा अधिक रक्कम

पुणे : शेतकऱ्यांना देय असलेल्या एफआरपीची बिले कशी द्यायची, असा प्रश्न काही साखर कारखान्यांना सतावत असताना, राज्यातील अनेक साखर कारखान्यांनी एफआरपीपेक्षा अधिक रक्कम शेतकऱ्यांना दिली आहे.

एकंदरित १०८ साखर कारखान्यांनी देय एफआरपीच्या शंभर टक्के किंवा त्यापेक्षा अधिक रक्कम अदा केली आहे. तब्बल ९७ साखर कारखान्यांनी एफआरपी रकमेपेक्षा अधिक देयके दिली असल्याचे साखर आयुक्तालयाने हंगामाच्या अखेरीस जारी केलेल्या आकडेवारीवरून दिसून येते. ही रक्कम १० लाखांपासून तब्बल ८४ कोटींपर्यंत आहे. जरंडेश्वर साखर कारखान्याने एफआरपीची रक्कम ८४ कोटी अधिक दिली आहे. उदगिरी शुगर सारखे कारखाने सातत्याने एफआरपी पेक्षा अधिक रक्कम शेतकऱ्यांना देत आहेत.

उपमुख्यमंत्री अजित पवार आणि आ. रोहित पवार यांच्या नेतृत्वाखालील साखर कारखान्यांनी एफआरपीपेक्षा अधिक रक्कम दिल्याचे आकडेवारीवरून दिसते. मात्र त्याचवेळी माजी मंत्री जयंत पाटील यांच्या नेतृत्वाखालील एक युनिट वगळता, इतर तीन युनिटकडे ‍थकबाकी दिसते.

त्यामध्ये पस्तीसवर सहकारी साखर कारखाने आहेत. यंदाचा हंगाम साखर उद्योगासाठी अडचणीचा गेला आहे. मात्र निम्म्याहून अधिक कारखान्यांनी एफआरपी देण्यात कुचराई केलेली नाही, असे स्पष्ट होते. तरीदेखील ८६४ कोटींची थकबाकी ९२ साखर कारखान्यांकडे असल्याचे आकडेवारीवरून दिसून येते. काही माजी मंत्र्यांच्या कारखान्यांकडेही थकबाकी आहे हे विशेष उल्लेखनीय…

नुकत्याच सरलेल्या ऊस गळीत हंगामात सुमारे २०० साखर कारखान्यांनी गाळप घेतले आणि ८५४ लाख टन गाळप केले. उसाअभावी हंगाम लवकर आवरावा लागला होता. त्यामुळे साखर उद्योगात चिंतेचे वातावरण होते, मात्र आगामी हंगाम चांगला जाण्याच्या आशेवर आता भिस्त आहे.

एफआरपी पेक्षा अधिक बिले देणाऱ्या कारखान्यांची यादी (आकडे लाखांत /जादा दिलेली रक्कम)