एकरी शंभर टनांचे उद्दिष्ट साधण्यासाठी संशोधन

कोईम्बतूर ऊस संस्थेचा ‘इस्मा’सोबत करार

नवी दिल्ली : ICAR-ऊस ब्रीडिंग इन्स्टिट्यूट, कोईम्बतूर आणि इंडियन शुगर मिल्स असोसिएशन (ISMA), नवी दिल्ली यांच्यात एका सामंजस्य करारावर नुकत्याच स्वाक्षऱ्या केल्या आणि उच्च उत्पादन आणि गुणवत्तेची क्षमता असलेल्या स्थान-विशिष्ट आणि हवामानास अनुकूल वाणांच्या विकासासाठी हा करार झाला आहे.

यावेळी बोलताना ISMA चे अध्यक्ष श्री आदित्य झुनझुनवाला म्हणाले की, 7.5 कोटी रुपयांच्या आर्थिक तरतुदीतून राबविण्यात येणार्‍या या प्रकल्पामुळे शेतकर्‍यांना फायदेशीर ठरणारे चांगले उत्पादन देणारे वाण निश्चित करण्यास मदत होईल. देशात ऊस क्षेत्रात संशोधन आणि विकासातील गुंतवणूक अत्यल्प असल्याचे नमूद करून, या आणि तत्सम प्रकल्पांमुळे भारतीय साखर उद्योगाला देशातील साखर आणि ऊर्जेच्या गरजा भागविण्यास मदत होईल, असे मत त्यांनी व्यक्त केले.

अध्यक्षीय भाषणात डॉ. जी. हेमप्रभा, संचालक, ICAR-SBI म्हणाले की, ISMA च्या सहकार्याने संस्थेद्वारे प्रथमच एवढा मोठा प्रकल्प हाती घेतला जात आहे. या प्रकल्पामध्ये 100 टन/एकर ऊसाचे उत्पादन आणि सुमारे 11.5% साखर उतारा प्राप्ती साध्य करण्याच्या उद्देशाने देशातील विविध झोनमध्ये असलेल्या विविध साखर कारखान्यांमधील उच्च ऊसाच्या क्लोनचे मूल्यांकन समाविष्ट आहे. याअंतर्गत निश्चित केलेल्या साखर कारखान्यांमधील मूल्यमापन चाचण्या पाच-सहा वर्षांसाठी घेतल्या जातील. ज्यामध्ये 40-50 उत्कृष्ट क्लोनची त्यांच्या उत्पादनाची आणि गुणवत्तेची क्षमता तपासली जाईल.

डॉ. सुशील सोलोमन, माजी कुलगुरू, C.S. आझाद कृषी आणि तंत्रज्ञान विद्यापीठ, कानपूर आणि माजी संचालक, ICAR-इंडियन इन्स्टिट्यूट ऑफ शुगरकेन रिसर्च (ICAR-IISR), लखनौ यांनी सांगितले की, हा प्रकल्प सार्वजनिक-खाजगी- भागीदारीत, भारतीय साखर उद्योगाची दीर्घकालीन शाश्वतता आणि नफा सुनिश्चित करेल. हा प्रकल्प तामिळनाडू, कर्नाटक, तेलंगणा, आंध्र प्रदेश, महाराष्ट्र, मध्य प्रदेश, छत्तीसगड, उत्तर प्रदेश आणि बिहार राज्यातील सुमारे 30 साखर कारखान्यांमध्ये चालवला जाईल, असेही ते म्हणाले.

डॉ. आर.विश्वनाथन, आयसीएआर-आयआयएसआर, लखनौचे संचालक यांनी नमूद केले की, ऊस शेती अधिक फायदेशीर करून शेतकऱ्यांना टिकवून ठेवण्याची नितांत गरज आहे आणि यासारखे प्रकल्प या दिशेने मदत करतील.

श्री. पंकज वाधवा, उपमहासंचालक, ISMA म्हणाले की ISMA 112 वर्ष जुन्या ICAR-ऊस पैदास संस्थेसोबत जोडल्याचा आम्हाला वाटतो आणि आशा करतो की दोन्ही संस्थांसाठी लाभकारक ठरेल.

श्री. सिल्व्हेस्टर गोल्डविन, उपाध्यक्ष, दक्षिण भारतीय साखर कारखाना संघ-तामिळनाडू यांनी आशा व्यक्त केली की या प्रकल्पाद्वारे उसाच्या सुधारित वाणांची ओळख शेतकऱ्यांना तसेच साखर उद्योगाला मदत करेल.

ICAR-SBI चे 150 हून अधिक शास्त्रज्ञ आणि कर्मचारी सामंजस्य करार विनिमय समारंभात सहभागी झाले होते.

(स्रोत: ICAR-ऊस पैदास संस्था, कोईम्बतूर)