प्रवरा कृषी संस्थेचे आधुनिक उस तंत्रज्ञान!
उत्पादनवाढीसह साखर उताऱ्याची मोठी अपेक्षा
अहिल्यानगर : राहाता येथील प्रवरा कृषी शास्त्र संस्थेने उस शेतीत उत्पादन वाढवण्यासाठी आणि खर्च कमी करण्यासाठी आधुनिक तंत्रज्ञान विकसित केले आहे. जैविक संशोधन, विशेष यांत्रिकीकरण आणि ठिबक सिंचनाच्या साहाय्याने संतुलित खत व्यवस्थापनाचा वापर करून हे तंत्रज्ञान तयार करण्यात आले आहे.
या पद्धतीत एका एकरात सुमारे ६००० ते ६५०० रोपे लावली जातात. ४.५ ते ५ फूट अंतरावर लागवड केल्यामुळे पिकांची वाढ अधिक जोमदार होते. तसेच कमी पाण्यात जास्त उत्पादन मिळवणे शक्य होते. ठिबक सिंचनाद्वारे पाण्याचे अचूक व्यवस्थापन केल्यामुळे उत्पादन खर्चातही बचत होते.
या तंत्रज्ञानाच्या वापरामुळे उसाचे उत्पादन आणि साखर उतारा दोन्ही वाढण्याची शक्यता तज्ज्ञांनी व्यक्त केली आहे. प्रयोग यशस्वी ठरल्याने भविष्यात राज्यातील उस उत्पादक शेतकऱ्यांना याचा मोठा फायदा होईल, असा विश्वास व्यक्त केला जात आहे.
संस्थेच्या मार्गदर्शनाखाली शेतकऱ्यांना या आधुनिक तंत्रज्ञानाची माहिती देऊन त्याचा प्रसार करण्याचे काम सुरू आहे. त्यामुळे येणाऱ्या हंगामात अधिक उत्पादन आणि चांगला साखर उतारा मिळण्याची अपेक्षा व्यक्त होत आहे.
