ओएसजी ग्रीन एनर्जीमध्ये ७३ पदांसाठी भरती

सातारा : ओएसजी ग्रीन एनर्जी प्रा. लि., युनिट नं. १९ येथील साखर कारखान्यात विविध विभागांतील ७३ पदांसाठी भरती प्रक्रिया सुरू करण्यात आली आहे. पात्र आणि अनुभवी उमेदवारांसाठी थेट मुलाखतीचे (Walk-in Interview) आयोजन करण्यात आले असून, तांत्रिक, प्रशासकीय आणि कारखाना संचालनाशी संबंधित विविध पदांवर उमेदवारांची निवड केली जाणार आहे.

या भरतीमध्ये डिस्टिलरी मॅनेजर, डिस्टिलरी केमिस्ट, इलेक्ट्रिकल इंजिनिअर, मेकॅनिकल इंजिनिअर, पर्यावरण अधिकारी, अकाउंट्स हेड, बॉयलर ऑपरेटर, वॉटर केमिस्ट, लॅब केमिस्ट, शिफ्ट ऑपरेटर, इन्स्ट्रुमेंट टेक्निशियन, टर्बाइन ऑपरेटर, इलेक्ट्रिशियन, वेल्डर, ड्रायव्हर, बॉयलर केमिस्ट, लॅब असिस्टंट, डिस्टिलेशन प्लांट ऑपरेटर, इव्हॅपोरेटर ऑपरेटर, स्क्रबर ऑपरेटर, डीएम प्लांट ऑपरेटर, शुगर ऑपरेटर, डेअरीमन/बॅगास हँडलिंग आणि अन्य पदांचा समावेश आहे.

उमेदवारांनी मुलाखतीस उपस्थित राहताना आधार कार्ड, शैक्षणिक पात्रतेची प्रमाणपत्रे, जन्मतारखेचा दाखला, अनुभव प्रमाणपत्रे, सध्याच्या पगाराची स्लिप तसेच अपेक्षित पगाराची माहिती सोबत आणणे आवश्यक आहे. पात्रतेनुसार अनुभवी तसेच काही पदांसाठी फ्रेशर उमेदवारांनाही संधी उपलब्ध करण्यात आली आहे.
इच्छुक उमेदवारांनी कंपनीच्या ई-मेलवर किंवा थेट मुलाखतीस दि. ०२/०९/२०२६ रोजी सकाळी १० वाजता कारखाना साईटवर उपस्थित राहून या रोजगार संधीचा लाभ घ्यावा, असे आवाहन कंपनी प्रशासनाकडून करण्यात आले आहे.

जीएसओ ग्रीन प्रा. लि., युनिट नं. १९

मु.पाल, पो. मरळी, ता. कराड जि. सातारा. ४१५०१४

ईमेल -oskhr19@onkarsugars.com