कंचेश्वर शुगरमध्ये नोकरीची संधी; १० ऑक्टोबरला थेट मुलाखती
सोलापूर : तिऱ्हे (ता. उत्तर सोलापूर) येथील कंचेश्वर शुगर लिमिटेडमध्ये विविध पदांसाठी थेट मुलाखती आयोजित करण्यात आल्या आहेत. पात्र व अनुभवी उमेदवारांनी १० ऑक्टोबर २०२६ रोजी सकाळी ११ वाजता आवश्यक कागदपत्रांसह कारखाना परिसरात उपस्थित राहावे, असे आवाहन व्यवस्थापनाने केले आहे.
प्रतिदिन सहा हजार मेट्रिक टन ऊस गाळप क्षमता आणि २६ मेगावॅट सहवीजनिर्मिती प्रकल्प असलेल्या या कारखान्यात सुरक्षा विभाग, शुगर गोडाऊन आणि केनयार्ड विभागातील पदे तातडीने भरण्यात येणार आहेत.
सुरक्षा विभागात सुरक्षा जमादार आणि सुरक्षा गार्ड या पदांसाठी दहावी किंवा बारावी उत्तीर्ण उमेदवारांना संधी आहे. सुरक्षा जमादार पदासाठी किमान दहा वर्षांचा, तर सुरक्षा गार्ड पदासाठी किमान पाच वर्षांचा संबंधित कामाचा अनुभव आवश्यक आहे. सुरक्षा गार्ड पदासाठी वयोमर्यादा १८ ते ४५ वर्षे आहे.
शुगर गोडाऊन विभागातील गोडाऊन क्लार्क, तसेच केनयार्ड विभागातील शिफ्ट सुपरवायझर, काटा क्लार्क आणि इतर पदांसाठी अनुभवी उमेदवारांची भरती केली जाणार आहे. गोडाऊन क्लार्क व शिफ्ट सुपरवायझर पदांसाठी कोणत्याही शाखेची पदवी आणि संगणकाचे ज्ञान आवश्यक आहे. केनयार्डमधील अन्य पदांसाठी बारावी किंवा पदवीसह संगणकाचे ज्ञान अपेक्षित आहे. या पदांसाठी संबंधित कामाचा किमान पाच ते सात वर्षांचा अनुभव आवश्यक असल्याचे जाहिरातीत नमूद करण्यात आले आहे.
मुलाखतीसाठी आवश्यक कागदपत्रे
उमेदवारांनी शैक्षणिक पात्रता आणि एकूण अनुभवाची माहिती, सध्याचा पगार, अपेक्षित पगार व मोबाइल क्रमांकासह अर्ज आणावा. तसेच मूळ कागदपत्रे आणि त्यांच्या साक्षांकित प्रती सोबत ठेवाव्यात.
