गंगामाऊली शुगरमध्ये १७ जागांसाठी भरती

केज : अशोकनगर, उमरी येथील गंगामाऊली शुगर अँड अलाइड इंडस्ट्रीज प्रा. लि. या साखर कारखान्यात इंजिनिअरिंग विभागातील कायम व हंगामी सेवेसाठी विविध पदांच्या १७ रिक्त जागा भरण्यात येणार आहेत. पात्र व अनुभवी उमेदवारांनी ५ ऑक्टोबर २०२६ पर्यंत ई-मेलद्वारे अर्ज सादर करावेत, असे आवाहन कारखाना व्यवस्थापनाने प्रसिद्ध केलेल्या जाहिरातीत केले आहे.

दररोज ५ हजार मेट्रिक टन गाळप क्षमता असलेल्या या कारखान्यात ट्रेनी इंजिनिअरच्या ३, कायमस्वरूपी खलाशी व वेल्डर ए ग्रेडच्या प्रत्येकी १ जागेसाठी भरती होणार आहे. हंगामी पदांमध्ये क्रेन ऑपरेटरच्या ३, टेबल ऑपरेटरची १, टिपलर ऑपरेटरच्या २, मिल ऑईलमन व केन कॅरिअर ऑपरेटरच्या प्रत्येकी १, तर आर.बी.सी. ऑपरेटरच्या ४ जागांचा समावेश आहे.

ट्रेनी इंजिनिअर पदासाठी मेकॅनिकल किंवा इलेक्ट्रिकल शाखेतील डिप्लोमा अथवा बी.ई. शैक्षणिक पात्रता आवश्यक आहे. इतर नमूद पदांसाठी दहावी किंवा बारावी उत्तीर्ण आणि शासकीय आयटीआयची पात्रता अपेक्षित आहे. जाहिरातीनुसार संबंधित पदावर प्रत्यक्ष कामाचा ३ ते ५ वर्षांचा अनुभव असलेल्या उमेदवारांनी अर्ज करावेत.

इच्छुक उमेदवारांनी शैक्षणिक पात्रता, प्रत्यक्ष कामाचा अनुभव आणि सध्याच्या पगाराची माहिती यांसह संबंधित प्रमाणपत्रे जोडून gangamaulitime@gmail.com या ई-मेल पत्त्यावर अर्ज पाठवावेत. रिक्त पदे त्वरित भरावयाची असल्याने मुदतीत अर्ज सादर करण्याचे आवाहन व्यवस्थापनाने केले आहे.