॥ श्रीचक्रधर स्वामी जयंती ॥
आज रविवार, सप्टेंबर १३, २०२६ रोजीचे पंचांग आणि दिनविशेष
युगाब्द : ५१२८
भारतीय राष्ट्रीय सौर भाद्रपद दिनांक २२, शके १९४८
🌅 सूर्योदय : ०६:२६. 🌇 सूर्यास्त : १८:४३
🌙 चंद्रोदय : ०८:१६. 🌙 चंद्रास्त : १९:५९
शक संवत : १९४८
संवत्सर : पराभव
दक्षिणायन
ऋतू : वर्षा
चंद्र माह : भाद्रपद
पक्ष : शुक्ल पक्ष
🔸 तिथी : द्वितीया- ०७:०८ पर्यंत
🔸 नक्षत्र : हस्त- १३:०७ पर्यंत
🔸 योग : शुक्ल- १३:४३ पर्यंत
🔸 करण : कौलव- ०७:०८ पर्यंत
🔸 द्वितीय करण : तैतिल- १९:०२ पर्यंत
☀️ सूर्य राशी : सिंह
🌙 चंद्र राशी : कन्या- ०१:२६, सप्टेंबर १४ पर्यंत
⏳ राहुकाळ : १७:११ ते १८:४३
⏳ गुलिक काळ : १५:३९ ते १७:११
⏳ यमगंड : १२:३४ ते १४:०६
✨ अभिजित मुहूर्त : १२:१० ते १२:५९
⚠️ दुर्मुहूर्त : १७:०५ ते १७:५४
🌺 अमृत काळ : ०७:०४ ते ०८:४०
🚫 वर्ज्य : २१:२३ ते २३:०२
🐗 ॥ वराह जयंती ॥ 🐗
वराह अवतार हा भगवान विष्णूंच्या दशावतारांपैकी तिसरा अवतार मानला जातो. या अवतारात श्रीविष्णूंनी वराहाचे, म्हणजेच रानडुकराचे रूप धारण केले. पौराणिक कथेनुसार, हिरण्याक्ष राक्षसाने पृथ्वीचे हरण करून तिला समुद्राच्या गर्भात नेले. तेव्हा भगवान विष्णूंनी वराह अवतार धारण करून हिरण्याक्षाचा वध केला आणि पृथ्वीचा उद्धार केला. वराह अवताराशी संबंधित अनेक आख्यायिका वराह पुराणात आढळतात. परंपरेनुसार नील वराह, श्वेत वराह आणि आदि वराह असे वराहाचे तीन प्रकार सांगितले जातात. या तिन्हींच्या एकत्रित कालखंडाला वराहकाळ असे संबोधले जाते.
🌺 आज वराह जयंती आहे.
🙏 भगवान वराहांचे स्मरण करून धर्म, धैर्य आणि सद्विचारांची प्रेरणा घेऊया.
🍫 ॥ आंतरराष्ट्रीय चॉकलेट दिन ॥ 🍫
१३ सप्टेंबर हा दिवस आंतरराष्ट्रीय चॉकलेट दिन म्हणून साजरा केला जातो. या दिवशी चॉकलेटप्रेमी एकमेकांना चॉकलेट देतात तसेच विविध गोड पदार्थ, केक, हॉट चॉकलेट आणि चॉकलेट बारचा आस्वाद घेत हा दिवस आनंदाने साजरा करतात.
🍫 आज आंतरराष्ट्रीय चॉकलेट दिन आहे.
🌻 ॥ सकारात्मक विचारांचा दिवस ॥ 🌻
सकारात्मक विचारांचा दिवस (Positive Thinking Day) दरवर्षी १३ सप्टेंबर रोजी साजरा केला जातो. हा दिवस आपल्या आयुष्यात सकारात्मकता, आशावाद आणि मानसिक स्वास्थ्याचे महत्त्व जाणून घेण्यासाठी प्रेरणा देतो. सकारात्मक दृष्टिकोनामुळे अडचणींकडे पाहण्याची दृष्टी बदलते, आत्मविश्वास वाढतो आणि योग्य निर्णय घेण्यास मदत होते. जीवनातील ताणतणावांना सामोरे जाण्यासाठीही आशावादी विचारसरणी उपयुक्त ठरते.
🌻 आज सकारात्मक विचारांचा दिवस आहे.
✨ सकारात्मक विचार करा, सकारात्मक कृती करा आणि सकारात्मक जीवन जगा!
🙏 ॥ श्रीचक्रधर स्वामी जयंती ॥ 🙏
महानुभाव पंथाचे संस्थापक सर्वज्ञ श्रीचक्रधर स्वामी हे बाराव्या शतकातील महान संत, तत्त्वज्ञ आणि समाजसुधारक म्हणून ओळखले जातात. महानुभाव पंथाच्या तत्त्वज्ञानानुसार ते ईश्वराच्या पंचावतारांपैकी पाचवा अवतार मानले जातात. ‘लीळाचरित्र’ हा मराठीतील आद्य चरित्रग्रंथ मानला जातो आणि त्याचे केंद्रस्थान श्रीचक्रधर स्वामी हेच आहेत. त्यांच्या विचारांनी मराठी भाषेला आणि साहित्यपरंपरेला नवी दिशा मिळाली. जात-पात, उच्च-नीच भेद न मानता स्त्री-शूद्रांसह सर्वांना मोक्षाचा समान अधिकार असावा, असा समतेचा संदेश त्यांनी दिला. त्यामुळे महाराष्ट्राच्या समाजसुधारणेच्या आणि मराठी साहित्याच्या इतिहासात त्यांचे स्थान अत्यंत महत्त्वाचे आहे. भगवान सर्वज्ञ श्रीचक्रधर स्वामींच्या भक्ती व विचारांच्या प्रेरणेतून त्यांच्या अनुयायांनी विपुल साहित्यनिर्मिती केली आणि मराठी साहित्यपरंपरेच्या प्रारंभीच्या वाटचालीला मोठी चालना मिळाली.
🌺 आज श्रीचक्रधर स्वामी जयंती आहे. 🙏 सर्वज्ञ श्रीचक्रधर स्वामींच्या चरणी विनम्र अभिवादन!
॥ देशभक्तीपर गीत ॥
🎶 जय जय प्यारा, जग से न्यारा,
शोभित सारा, देश हमारा।
जगत-मुकुट, जगदीश दुलारा,
जग-सौभाग्य, सुदेश।
जय जय प्यारा भारत देश॥ 🎶
- कवी श्रीधर पाठक
📜 ॥ दिनविशेष ॥ 📜
🔹 १९२८- सुप्रसिद्ध हिंदी कवी श्रीधर पाठक यांचे निधन. (जन्म : ११ जानेवारी १८५८)
🔹 १९९५- प्रख्यात आसामी साहित्यिक, इतिहासकार व विद्वान डॉ. महेश्वर नियोग यांचे निधन. त्यांनी आसामच्या सांस्कृतिक इतिहासावर, आसामी भाषा-साहित्यावर तसेच वैष्णव परंपरेवर महत्त्वपूर्ण संशोधन केले. (जन्म : ७ सप्टेंबर १९१५)
📌 ॥ आजच्या इतिहासातील घटना ॥
🔸 १८९८- हॅनीबल गुडविन यांनी सेल्युलॉइड फोटोग्राफिक फिल्मचे पेटंट घेतले.
🔸 १९४८- ऑपरेशन पोलो अंतर्गत भारतीय सैन्याने हैदराबाद संस्थानाच्या विलिनीकरणासाठी लष्करी कारवाई सुरू केली.
🔸 १९८५- सुपर मारिओ हा प्रसिद्ध व्हिडिओ गेम जपानमध्ये प्रकाशित झाला.
🔸 १९८९- आर्चबिशप डेसमंड टुटू यांनी दक्षिण आफ्रिकेतील वर्णद्वेषी धोरणाविरोधात विशाल मोर्चाचे नेतृत्व केले.
🔸 १९९६- ज्येष्ठ समाजसेविका श्रीमती इंदुमती पारिख यांना श्रीमती जानकीदेवी बजाज पुरस्कार प्रदान करण्यात आला.
🔸 २००३- ज्येष्ठ गायक पं. दिनकर कैकिणी यांना राष्ट्रीय कुमार गंधर्व पुरस्कार जाहीर झाला.
🔸 २००३- प्रसिद्ध मेंडोलिनवादक यू. श्रीनिवास यांना राष्ट्रीय कुमार गंधर्व पुरस्कार जाहीर झाला.
🔸 २००८- दिल्लीतील बॉम्बस्फोटांत ३० जण ठार, तर १३० जण जखमी झाले.
🕯️ ॥ पुण्यस्मरण ॥
🔸 १८९३- पत्रकार व प्रार्थना समाजाचे संस्थापकांपैकी एक मामा परमानंद यांचे निधन. (जन्म : ३ जुलै १८३८)
🔸 १९२९- क्रांतिकारक जतिनद्रनाथ दास यांचे तुरुंगातील अमानुष वागणुकीच्या निषेधार्थ केलेल्या उपोषणाच्या ६३व्या दिवशी निधन. (जन्म : २७ ऑक्टोबर १९०४)
🔸 १९७१- चित्रपट व रंगभूमीवरील अभिनेते केशवराव त्र्यंबक दाते यांचे निधन. (जन्म : २४ सप्टेंबर १८८९)
🔸 १९७३- भारतीय कवी व तत्त्ववेत्ते सज्जाद झहिर यांचे निधन. (जन्म : ५ नोव्हेंबर १९०५)
🔸 १९७५- भारतीय गायक व संगीतज्ञ मुदिकोंडान वेंकटराम अय्यर यांचे निधन. (जन्म : १५ ऑक्टोबर १८९७)
🔸 १९९७- प्रसिद्ध गीतकार लालजी पांडेय तथा अंजान यांचे निधन. (जन्म : २८ ऑक्टोबर १९३०)
🔸 २०१२- भारताचे २१ वे सरन्यायाधीश रंगनाथ मिश्रा यांचे निधन. (जन्म : २५ नोव्हेंबर १९२६)
🔸 २०२०- माजी केंद्रीय मंत्री व राष्ट्रीय जनता दलाचे ज्येष्ठ नेते रघुवंश प्रसाद सिंह यांचे निधन. (जन्म : ६ जून १९४६)
🎂॥ आजचे जन्मदिनविशेष ॥🎂
🔹 १८५२- नामांकित शिक्षक व संस्कृत पंडित गणेश जनार्दन आगाशे यांचा जन्म.
🔹 १८६५- भारतीय-ब्रिटिश फील्ड मार्शल विल्यम बर्डवुड यांचा जन्म. (मृत्यू : १७ मे १९५१)
🔹 १८९०- मोनाको ग्रांप्रीचे संस्थापक अँटोनी नोगेस यांचा जन्म. (मृत्यू : २ ऑगस्ट १९७८)
🔹 १९३२- ज्येष्ठ शास्त्रीय गायिका डॉ. प्रभा अत्रे यांचा जन्म.
🔹 १९८०- भारतीय हॉकीपटू वीरेन रास्किन्हा यांचा जन्म.
