महेश साखर कारखान्यात ४० पदांसाठी मुलाखती

आष्टी : कडा येथील महेश सहकारी साखर कारखान्याने २०२६–२७ च्या गळीत हंगामासाठी अभियांत्रिकी, उत्पादन आणि शेती विभागांतील एकूण ४० पदे भरण्यासाठी उमेदवारांना मुलाखतीस बोलावले आहे.

जाहिरातीनुसार, अभियांत्रिकी विभागात ५, उत्पादन विभागात ८ आणि शेती विभागात २७ पदे आहेत. बहुतांश पदांसाठी संबंधित कामाचा किमान पाच वर्षांचा अनुभव आवश्यक आहे. उत्पादन विभागातील दोन प्रशिक्षणार्थी पदांसाठी नवोदित उमेदवार अर्ज करू शकतात.

पात्र उमेदवारांनी शैक्षणिक पात्रता आणि अनुभवाची कागदपत्रे घेऊन ३० सप्टेंबर २०२६ रोजी सकाळी ११ वाजता कारखाना स्थळावर मुलाखतीस उपस्थित राहावे, असे आवाहन कारखान्याने केले आहे.